¹ Mazmur ni Daud. TUHAN, seiy si toro tume’up witu en dasing-Mu? Seiy si toro mena’ witu eng kuntung-Mu eng kudus? ² Nyi’a i ti’i nisia si mawinta’ e reiy’ sisering, si matuanala sapa e nadil wo si meila’la eng kaulitan ampit em pakasa’an e natena, ³ si reiy’ maserame en sesero’ ampit e lila’na, si reiy’ masiwo lewo’ witu si ka’ampitna wo si reiy’ minapatorola en sering wia si ketana’na; ⁴ si maloo’ola hina sitou neiy i kasingkir, ta’an si mewangko’la sitou si meide’la si TUHAN; si timiboiy witu en tiwa’ ma’anouw tu’u rugi; ⁵ si reiy’ minakipinjangla e loitna ampit e mekaan em bungangna wo si reiy’ masungkul e wewoko’ mesaru sitou reiy’ siselok. Seiy si mawinta’ en tuana, si reiy’ laa moghe eng keure-urena.