1 I wee si ma’aka-aka ne biduan. Waki si Daud. Tou ba’abal si limila’ witu e natena: “Reiy’la si Empung.” Wu’ul wo e ri’iris em pasiwo-siwon nea, e reiy’la si masiwo le’os. 2 TUHAN si timebomi waki sorga wia se oki-oki’ ni tou kaa laa meleloo’, sapa ku’a re’en wawean si maka akal budi wo si masero si Empung. 3 Nisea nu waya se sime’epangouw, em baya nea se teri mouw; reiy’la si masiwo e le’os, siesa tou tu’u e reiy’. 4 Reiy’ mawena’as ku’a re’en em baya ne tou se matuanala eng kalewo’an, se kimaan mina’apu se umat-Ku tanu kimaan e roti, wo se reiy’ maaleiy wia si TUHAN? 5 Mana mome sea toron eng kasenge’an e wangko’, karengan si Empung si rimapitla se angkatan se ulit. 6 Nikouw kouw toro meneo-nero’ e maksut ne tou se neiy i kalotoiy, ta’an si TUHAN si tampa teterunganna. 7 Yon, meiy mouw satorona waki Sion eng kelawiran i wee se Israel! Sakawisa si TUHAN sumegaya’la eng ka’ada’an ne umat-Na, takar si Yakub si laa merio-rio, Israel si laa mepa’a-pa’ar.