¹ I wee si ma’aka-aka ne biduan. Mazmur ni Daud. Pirape’ eng keure kasi, TUHAN, Koo lumiurla niaku minapawee-wee? Pirape’ eng keure kasi Koo kumirongla eng gio-Mu witu niaku? ² Pirape’ eng keure kasi ku lewo’ sa reiy’ meela kalieiyan witu en touku, wo tumekur ate kelabotan e nendo? Pirape’ eng keure kasi se kesaruku se rumakekla en tou witu niaku? ³ Loo’onouw satorona, wingkotenouw aku, eeh TUHAN, Empungku! Siwonouw em berenku sumena’, rio te’a aku kinatekelan wo mate, ⁴ rio si kesaruku te’a lumila’: “Niaku ku kimala mola nisia,” wo se kesaru-kesaruku se merio-rio, sakawisa aku moghe. ⁵ Ta’an niaku, witu e nupus lale’-Mu niaku ku ma’eman, nateku e merio-rio karengan e linawiran-Nu. ⁶ Niaku ku pa’ar laa kumantar i wee si TUHAN, karengan Nisia si simiwo mola e le’os wia niaku.