¹ I wee si ma’aka-aka ne biduan. I ki’it e lagu: Eng kauwalu. Mazmur ni Daud. Tulungenouw satorona, TUHAN, karengan se tou lale’ se mina’apu mouw, minere’i mola se tou-tou lale’ waki elet ne oki-oki’ ni tou. ² Nisea se meila’ en towo, siesa wia se walina, nisea se meila’ ampit en sumping emis wo e nate minanga. ³ Ma’anouw si TUHAN si kume’eket e reiy’ sa mina’asa en sumping emis wo susur e lila’ menusuiy em bangko’, ⁴ waki nisea se meila’: “Ampit e lila’ meiy, keiy minuntung! En sumping meiy en timobol nikeiy! Seiy ku’a re’en si tuang witu nikeiy?” ⁵ Eng karengan em palotoiyan witu se tou-tou lewea’, eng karengan e nga’angal ne tou-tou miskin, en teakan tu’u Niaku ku tumo’or, nuwu’ ni TUHAN; Niaku ku mee kelawiran wia sitou si rime’ola nisia. ⁶ En ta’ar ni TUHAN nyi’a mouw en ta’ar lenas, nasarla em perak niuji mouw, makapitu linenasla witu e nawu paranoan witu en tana’. ⁷ Nikoo, TUHAN, si laa makatena-tena’la nyi’a, Nikoo si laa tumayur nikeiy reiy’ maena-ena’ witu se angkatan i yi’i. ⁸ Tou-tou fasik se kumelang mea waki wisa i te, kasuatan eng kawu’ulan minodoli waki elet ne oki-oki’ ni tou.