¹ Haleluya! Lo’orenouw si TUHAN waki sorga, lo’orenouw Sia waki tampa rakek! ² Lo’orenouw Sia, heiy reiy’ sa mina’asa malaikat-Na, lo’orenouw Sia, heiy reiy’ sa mina’asa suraro-Na! ³ Lo’orenouw Sia, heiy siendo wo sumedot, lo’orenouw Sia, heiy reiy’ sa mina’asa sumesena’ terang! ⁴ Lo’orenouw Sia, heiy langit e minatasla e reiy’ sa mina’asa langit, heiy rano witu natas e langit! ⁵ Le’osouw em baya nyi’a lumo’or e ngaran ni TUHAN, karengan Nisia si minee perenta takar em baya nyi’a eng kinasiwoan. ⁶ Sia si rimedeiyla em baya nyi’a i wee e mapawee-weena wo eng keurena, wo minee katataapan e reiy’ mete’u langkoiyen. ⁷ Lo’orenouw si TUHAN wia em bumi, heiy leloiy’-leloiy’ naga wo em pakasa’an lawanan wangko’; ⁸ heiy api wo e naro eis, salju wo en semu, reghes tumokol e matuanala e nuwu’-Na; ⁹ heiy kuntung-kuntung wo e reiy’ sa mina’asa kakenturan, nakana e wu’ana-wu’ana wo e reiy’ sa mina’asa nakana aras: ¹⁰ heiy tekapen-tekapen siru wo e reiy’ sa mina’asa tekapen, tekapen maoyouw wo se wara-wara makakale’ekew; ¹¹ heiy raja-raja wia em bumi wo e reiy’ sa mina’asa bangsa, pemangko’-pemangko’ wo em baya ne maperenta eng kaoatan; ¹² heiy tole wo se oki-oki’ reraa, se tu’a wo se muda! ¹³ Ma’anouw em baya nea se melo’o-lo’or si TUHAN, karengan e ngaran-Na i te e rakek mulia, kewangko’an-Na minatasla em bumi wo e langit. ¹⁴ Sia si rimakekola en sunge ne umat-Na, minamuali lelo’or-lelo’or i wee em baya ne tou se neiy i keupus-Nala, i wee se tou Israel, umat se tawi wia-Nisia. Haleluya!