pasal 149

1 Haleluya! Kantarenola i wee si TUHAN eng kekantaren weru! Lo’orenouw Sia witu se jema’ah ne tou-tou lale’. 2 Ma’anouw se Israel se mepa’a-pa’ar witu Si simiwola nyi’a, ma’anouw se bani Sion merio-rio witu si raja nea! 3 Ma’anouw sea melo’o-lo’or e ngaran-Na ampit e na’engketen-na’engketen, ma’anouw sea memazmur wia-Nisia ampit e rebana wo eng kecapi! 4 Karengan si TUHAN si mepa’ar wia se umat-Na, Sia si memahkotala se tou-tou kumeng ate ampit eng kelawiran. 5 Ma’anouw se tou-tou lale’ se mepa’a-pa’ar witu eng kamulia’an, ma’anouw sea merio-rio witu natas en tetekelan nea! 6 Ma’anouw e lo’or pewangko’an si Empung em bitu eng gorem en tikoo nea, wo en santi makaweren rua witu e lawas nea, 7 kaa laa metetuanala en sesuli’an witu se bangsa-bangsa, pasiksa’an-pasiksa’an witu se suku-suku bangsa, 8 kaa laa metetorongku se raja-raja nea ampit e rante, wo se tou-tou nea mulia ampit en tali-tali wesi, 9 kaa laa metetuanala witu nisea e nukuman tanu neiy i kepatik. Ni’itu mouw en serengat i wee em baya ne tou se neiy i keupus-Nala. Haleluya!