¹ Puji-pujian waki si Daud. Niaku ku laa mewewangko’la Nikoo, eeh Empungku, eeh Rajaku, wo niaku ku laa melelo’or e ngaran-Nu i wee e mapawee-weena wo eng keurena. ² Susur e nendo niaku ku laa melelo’or Nikoo, wo laa mememuliala e ngaran-Nu i wee e mapawee-weena wo eng keurena. ³ Wangko’ mouw si TUHAN wo kasa lino’or, wo eng kewangko’an-Na e reiy’ katika’an. ⁴ Angkatan demi angkatan se laa mesawa’la em pepa’ayangen-pepa’ayangen-Nu wo laa mabarla eng kewaraneiyan-Nu. ⁵ Serengat eng kamulia’an-Nu e wangko’ wo em pasiwo-siwon – pasiwo-siwon-Nu e maka’erangen e laaku i kantarla. ⁶ Eng kaente’an em pasiwo-siwon –pasiwo-siwon-Nu eng kahebat e laa i pakite’u neala, wo eng kewangko’an-Nu e laaku i pesesusuiyla. ⁷ E nge’enge’ wia eng kaselana eng kale’osan-Nu e laa masyuren neala, wo en tanume eng ka’adilan-Nu nisea se laa merio-rio. ⁸ TUHAN i ti’i si tongkoupusen wo mengengupus, labot sabaar wo wangko’ e nupus lale’-Na. ⁹ TUHAN i ti’i si le’os wia em baya se tou, wo wuta e rahmat witu e reiy’ sa mina’asa en siniwo-Nala. ¹⁰ E reiy’sa mina’asa en siniwo-Mula i ti’i e laa syumukur wia-Nikoo, eeh TUHAN, wo se tou-tou i keupus-Mula se laa lumo’or Nikoo. ¹¹ Nisea se laa makite’ula eng kamulia’an eng keraja’an-Nu, wo laa mesesusuiyla eng kewaraneiyan-Nu, ¹² kaa laa makite’ula eng kewaraneiyan-Nu wia se oki-oki’ ni tou, wo eng kamulia’an en serengat eng keraja’an-Nu. ¹³ Keraja’an-Nu nyi’a mouw eng keraja’an e reiy’ sa mina’asa abad, wo em pemerenta’an-Nu e minena-ena’ matorola se reiy’ sa mina’asa see’. TUHAN si lale’ witu e reiy’ sa mina’asa lelila’an-Na wo wuta e nupus o lale’ witu e reiy’ sa mina’asa em pasiwo-siwon-Na. ¹⁴ TUHAN i ti’i si tumetobol i wee em baya ne tou se meka’anu wo tumetaga’ i wee em baya ne tou se neiy i katu’utuk. ¹⁵ Em beren ne minapekasa tou e mengena-ngena’la Nikoo, wo Nikoo tu’u koo minee nisea kumaan witu e nedona; ¹⁶ Nikoo si minuka’ e lawas-Mu wo si minepa’ar minesula e reiy’ sa mina’asa se matou-tou. ¹⁷ TUHAN i ti’i si adil witu e reiy’ sa mina’asa e lalan-Na wo wuta e nupus o lale’ witu e reiy’ sa mina’asa em pasiwo-siwon-Na. ¹⁸ TUHAN si tawi wia se susur tou se maaleiy wia-Nisia, wia se susur tou se maaleiy wia-Nisia witu eng kelale’an. ¹⁹ Sia si matuanala eng kepa’aran ne tou-tou se meide’la Nisia, malingala e rekeiy nea makitulung wo lumawirla nisea. ²⁰ TUHAN si metayur em baya ne tou se meupusla-Nisia, ta’an em baya se tou fasik se laa punengen-Nala. ²¹ Sumaku e matotorla puji-pujian wia si TUHAN wo ma’anouw se reiy’ sa mina’asa makhluk se lumo’or e ngaran-Na kudus i wee e mapawee-weena wo eng keurena.