¹ Mazmur ni Daud Oh TUHAN, linganome en sombayangku, weeanouw talinga witu em paaleiyengku! Wingkotenouw niaku witu eng kelale’an-Nu, demi eng ka’adilan-Nu! ² Te’a mouw mepeperkara ampit si hamba-Mu i yi’i, karengan witu e nelet ne matou-tou e reiy’ siesa tou tu’u si ulit witu en sinaru-Mu. ³ Karengan se kesaru se minekeki’itola niaku wo mepepe’epesla e nyawaku witu en tana’, timampala niaku witu e reiydem tanu sitou si ure mouw minate. ⁴ En semangatku e lewea’ reawa’ witu en touku, nateku neiy i kapenes witu e nouwakeku. ⁵ Niaku ku neiy i kaghenang wia e nendo-nendo kasa ketareanna, niaku ku ghimenangla e reiy’ sa mina’asa em pepa’ayangen-Nu, niaku ku maghenangla em pasiwo-siwon e lawas-Mu. ⁶ Niaku ku minalungla e lawasku wia-Nikoo, imukurku e re’o wia-Nikoo tanu en tana rese. S e l a (maseng) ⁷ Wingkotenouw aku ampit e makarengan, eeh TUHAN, mina’apu mouw en semangatku! Te’a pekekirongla eng gio-Mu witu niaku, i ka’ayo aku tanu nisea se timumpa witu ruragh eng kubur. ⁸ I papalinga mola e nupus lale’-Mu wia niaku witu e nedo memo’odo, karengan wia-Nikoo mouw niaku ma’eman! Pakite’uanola aku e lalan e lewo’ sa reiy’ toroangku, karengan wia-Nikoo mouw em popongku e imukurku. ⁹ I waya momi niaku waki se kesaru-kesaruku, eeh TUHAN, wia-Nikoo mouw niaku tumerung! ¹⁰ Turu’enouw niaku matuanala eng kepa’aran-Nu, karengan Nikoo mouw si Empungku! Satorona e Roh-Mu le’os i ti’i e rumawir niaku waki tana e rampen! ¹²