¹ I wee si ma’aka-aka ne biduan. Mazmur ni Daud. I liseiyomi niaku, eeh TUHAN, waki se tou lewo’, tayuranouw aku witu se tou matuanala eng kaketean, ² se matiro’la eng kalewo’a witu eng gorem e nate, wo susur nendo se mengule-ngule em paseke’an! ³ Nisea se metaremla e lila’na tanu si leloiy’, racung ni leloiy’ senduk em bitu e wawa’ en sumpingna. S e l a (maseng) ⁴ Piaranouw aku, eeh TUHAN, witu e lawas ne tou fasik, tayuranouw aku witu se tou matuanala eng kaketean, se mekemaksut mekeka’anula niaku. ⁵ Tou tingkeiy ampit e makirong se meta’an we’etes witu niaku, wo nisea se minitarla en tali-tali tanume em pure’eket, witu esa nga kelabotan e lalan nisea se minee perangkap witu niaku. S e l a (maseng) ⁶ Niaku ku limila’ wia si TUHAN: “Empungku Nikoo, weeanouw talinga, eeh TUHAN, wia en suara i paaleiyku!” ⁷ Oh Empung, Tuhanku, kaente’an kelawirangku, Nikoo koo minorongla eng kokongku witu e nendo petetokolan en saliatan. ⁸ Oh TUHAN, te’a pekeki’itala eng kepa’aran ne tou fasik, te’a i pelelempotla e le’ekok tetiro’anna! S e l a (maseng) ⁹ Tou-tou se limedongi niaku se rimakekla eng kokong; ma’anouw em bencana neiy i totor neala en tumoro nisea! ¹⁰ Ma’anouw Sia me’eweki nisea ampit em baana e napi! Ma’anouw Sia molonla nisea witu eng gorem e ri’iping i ka’ayo e reiy’ mouw tumo’or kasi! ¹¹ Sumesero’ se reiy’ laa mena’ minena-ena’ wia em bumi; tou si matuanala eng kaketean si laa pekeki’iten eng kacilaka’an. ¹² Kete’uangku, kaa si TUHAN si laa mee ka’adilan wia se tou neiy i kalotoiy, wo rumapit em perkara ne tou miskin. ¹³ Nuli-ulit, se tou-tou ulit se laa lumo’or e ngaran-Nu, se tou-tou jujur se laa mena’ witu en sinaru-Mu.