1 Syumukurouw wia si TUHAN, karengan Nisia si le’os! Eng kaulitna i wee eng keure-urena e nupus lale’-Na. 2 Syumukurouw wia si Empung ne reiy’ sa mina’asa empung! Eng kaulitna i wee eng keure-urena e nupus lale’-Na 3 Syumukurouw wia si TUHAN ne reiy’ sa mina’asa tuhan! Eng kaulitna i wee eng keure-urena e nupus lale’-Na. 4 Wia Nisia si maesa-esa timuanala e maka’erangen-maka’erangen wangko’! Eng kaulitna i wee eng keure-urena e nupus lale’-Na. 5 Wia Nisia si simiwola e langit ampit eng kesama’an! Eng kaulitna i wee eng keure-urena e nupus lale’-Na. 6 Wia Nisia si minelarla em bumi witu natas en dano! Eng kaulitna i wee eng keure-urena e nupus lale’-Na. 7 Wia Nisia si simiwola se teterang-teterang wangko’; eng kaulitna i wee eng keure-urena e nupus lale’-Na. 8 Siendo kaa laa mekekuasala e noat; eng kaulitna i wee eng keure-urena e nupus lale’-Na. 9 Sumedot wo se sumesena’-sumesena’ kaa laa mekekuasala em bengi! Eng kaulitna i wee eng keure-urena e nupus lale’-Na 10 Wia Nisia si minewe minate se oki-oki’ polon e Mesir; eng kaulitna i wee eng keure-urena e nupus lale’-Na. 11 Wo minali se Israel rimou’mi waki keuneran nea; eng kaulitna i wee eng keure-urena e nupus lale’-Na. 12 Ampit e lawas ente’ wo ampit e lalupa neiy i ka’ayat! Eng kaulitna i wee eng keure-urena e nupus lale’-Na. 13 Wia Nisia si kimewe’ en Tasik Teberau minamuali rua nga kewe’; eng kaulitna i wee eng keure-urena e nupus lale’-Na. 14 Wo si limeweti se Israel waki keuneran nyia’; eng kaulitna i wee eng keure-urena e nupus lale’-Na. 15 Wo si minesikla si Firaun wo se surarona mea waki Tasik Teberau! Eng kaulitna i wee eng keure-urena e nupus lale’-Na. 16 Wia Nisia si mina’aka-aka se umat-Na timoromi em padang gurun! Eng kaulitna i wee eng keure-urena e nupus lale’-Na. 17 Wia Nisia si minewe minekala se raja-raja wangko’; eng kaulitna i wee eng keure-urena e nupus lale’-Na. 18 Wo minunu’ se raja-raja mulia; eng kaulitna i wee eng keure-urena e nupus lale’-Na. 19 Si Sihon, raja ne tou Amori; eng kaulitna i wee eng keure-urena e nupus lale’-Na. 20 Wo si Og, raja em banua Basan; eng kaulitna i wee eng keure-urena e nupus lale’-Na. 21 Wo mineela en tana’ nea minamuali kapunya’an pusaka; eng kaulitna i wee eng keure-urena e nupus lale’-Na. 22 Kapunya’an pusaka wia se Israel, hamba-Na! Eng kaulitna i wee eng keure-urena e nupus lale’-Na. 23 Nisia si maghenangla nikita witu eng kakumengan ta; eng kaulitna i wee eng keure-urena e nupus lale’-Na. 24 Wo minayami nikita waki em baya ne kesaru ta; eng kaulitna i wee eng keure-urena e nupus lale’-Na. 25 Nisia si mineela roti wia se reiy’ sa mina’asa makhluk; eng kaulitna i wee eng keure-urena e nupus lale’-Na. 26 Symukurouw wia si Empung em pakasa’an e langit! Eng kaulitna i wee eng keure-urena e nupus lale’-Na.