¹ Kekantaren ziarah ni Daud. Niaku ku mepa’a-pa’ar, eng katoroan neiy i lila’la ne tou wia niaku: “Meiy kita mea waki wale ni TUHAN.” ² En teakan e ne’a meiy e rimedeiy witu em pepalen leloangannu, heiy Yerusalem. ³ Heiy Yerusalem, e neiy mouw i redeiyla tanume eng kota minawerot, ⁴ mea wisa se suku-suku maziarah, nyi’a i yi’i se suku-suku ni TUHAN, kaa laa mesesyukur wia e ngaran ni TUHAN minatoroan ampit e natoran i wee se Israel. ⁵ Karengan e mana mome neiy i wee eng kadera-kadera paadilan, eng kadera-kadera kapunya’an ne me’urang ni raja Daud. ⁶ Sumombayangouw i wee eng kasejahtera’an e Yerusalem: “Ma’anouw se tou-tou se meupusla nikoo se maka’ato santosa. ⁷ Ma’anouw eng kasejahtera’an wawean witu eng kaledong em betonmu, wo en santosa witu eng gorem em purimu!” ⁸ Eng karengan se patuari-patuariku wo se ka’ampit-ka’ampitku niaku ku laa metetotorla: “Satorona eng kasejahtera’an wawean witu eng goremmu!” ⁹ Eng karengan em bale ni TUHAN, Empung ta, niaku ku laa mesesero eng kale’osan i wee-nikoo.