¹ Kekantaren ziarah. Wia-Nikoo ku minapatu’use em berenku, yon Nikoo si rimuber waki sorga. ² Loo’on, tanu em beren em baya ne hamba tuama maloo’ome wia e lawas ni tuangna, tanu em beren ni hamba wewene maloo’ome wia e lawas ni nyorana, tuana mouw em beren ta maloo’ome wia si TUHAN, Empung ta, i ka’ayo Sia meupusla nikita. ³ I keupusola nikeiy, eeh TUHAN, i keupusola nikeiy, karengan nikeiy keiy mina’awesola eng kawesu ampit en sesero’an; ⁴ imukur meiy e mina’awesola eng kawesu ampit en sesero’an-sesero’an ne tou-tou se mapedam aman, ampit en sesero’an ne tou tingkeiy.