¹ Niaku ku minapatu’use em berenku mea waki kuntung-kuntung; waki wisa ku’a re’en o laa meiy en tetulungangku? ² Tetulungangku nyia’ mouw e waki si TUHAN, si simiwola e langit wo em bumi. ³ Sia si reiy’ laa mayala e ne’amu moghe. Tumetayurmu si reiy’ laa re’erep en tekel. ⁴ Eng kaulitna e reiy’ re’erep en tekel wo reiy’ kinatekelan si Tumetayur e Israel. ⁵ TUHANouw si Tumetayurmu, TUHANouw si paterungannu witu esa nga weka lawas lele’osmu. ⁶ Siendo si reiy’ merarala nikoo witu e nedo oat, ka’apa si sumedot witu e nedo wengi. ⁷ TUHAN si laa tumayur nikoo witu e reiy’ sa mina’asa kacilaka’an; Sia si laa tumayur e nyawamu. ⁸ TUHAN si laa tumayur e rumou’ wo ghumoremmu waki en teakan ika’ayo eng keure-urena.