¹ Kekantaren ziarah. Witu eng kase’esekangku niaku ku maaleiy wia si TUHAN wo Nisia si miningkot niaku: ² “Oh TUHAN, i waya momi niaku waki sumping towo, waki e lila’ lumele’ekok.” ³ Sapa ku’a re’en neiy i weela wia nikoo wo sapa ku’a re’en neiy i awesla wia nikoo heiy lila’ lumele’ekok? ⁴ Em panah-panah ketarem waki se pahlawan wo em baana eng kayu arar. ⁵ Cilaka mouw niaku, karengan ku lewo’ sa reiy’ mena’ tanume sitou wo’oseiy waki Mesekh, karengan ku lewo’ sa reiy’ mena’ witu e nelet en dasing-dasing ne Kedar! ⁶ En torola eng keure niaku nu maena’ mewali-wali ampit se tou-tou se mari’iris em pedamean. ⁷ Niaku i yi’i ku pa’ar em pedamean, ta’an sakawisa ku sumusuiy, takar nisea se mepa’arla em paseke’an.