¹ Witu e nedo se Israel nu rumou’mi waki Mesir, kaum see’ ni Yakub waki se bangsa e reiy’ kasilighan em baasana, ² takar e Yehuda minamuali tampa kudus-Na, Israel e wilayah kakuasa’an-Na. ³ Tasik e limoo’ nyi’a, laa o tumingkasla en tou, so’oso’an Yordan e minurikit mea waki tewa. ⁴ Kuntung-kuntung e mengompo-ngompo’ tanu si domba raghar, wo eng kakenturan-kakenturan en tanu sioki’ ni domba. ⁵ Wawean sapa, heiy tasik, i ka’ayo koo tumingkasla en tou, heiy so’oso’an Yordan, i ka’ayo koo minurikit waki tewa, ⁶ heiy kuntung-kuntung, i ka’ayo kouw mengompo-ngompo’ tanu si domba raghar, heiy kakenturan-kakenturan, i ka’ayo kouw tanu sioki’ ni domba? ⁷ Tumenggo’ogho’ mouw, heiy bumi, witu en sinaru ni TUHAN, witu en sinaru ni Empung ni Yakub, ⁸ si rimoba eng kuntung watu minamuali pusung en dano, wo em batu kakete minamuali kembu’an!