¹ Haleluya! Lo’orenouw, heiy hamba-hamba ni TUHAN, lo’orenouw e ngaran ni TUHAN! ² Satorona e ngaran ni TUHAN ni’i ka’abarla wisa-wisa i te, en teakan i yi’i wo eng keure-urena. ³ Waki kinereretikna i ka’ayo wia eng kine’untepna ni endo lino’orola e ngaran ni TUHAN. ⁴ TUHAN si rakek minatasla se reiy’ sa mina’asa bangsa, eng kamulia’an-Na e minatasla e langit. ⁵ Seiy ku’a re’en si tanu si TUHAN, Empung ta, si maena’ waki tampa kerakek, ⁶ si kimumengla en tou kaa laa lumoo’me waki langit wo waki bumi? ⁷ Sia si minalinto’ori se tou hina waki ghorem e riawu wo minopomi se tou miskin waki liwota’, ⁸ kaa laa metetu’utukla nisia mewali-wali ampit em baya se bangsawan, mewali-wali ampit em baya se bangsawan ne bangsana. ⁹ Sia si timu’utukla si wewene mandul waki wale tanume si ina’ ne oki-oki’, wuta e mepa’a-pa’ar. Haleluya!