¹ Haleluya! Niaku ku pa’ar mesesyukur wia si TUHAN ampit em pakasa’an e nate, witu eng kaledong ne tou-tou ulit wo witu se jema’ah. ² Wangko’ em pasiwo-siwon – pasiwo-siwon ni TUHAN, e waar soisapen em baya ne tou se mepa’arla nyi’a. ³ Wangko’ wo maserengat em pepa’ayangen-Na, wo eng ka’adilan-Na e minena-ena’ i wee eng keurena. ⁴ Em pasiwo-siwon – pasiwo-siwon-Na e maka’erangen en siniwo-Nala i pange’enge’; TUHAN i ti’i si tongkoupusen wo mengupus. ⁵ Wineean-Nala e wene’ wia se tou-tou talo Nisia. Nisia si ghimenang i wee eng keure-urena witu en teta’aran-Na. ⁶ Kaente’an em pasiwo-siwon-Na neiy i abar-Nala wia se umat-Na, ampit e mineela wia nisea eng kapunya’an pusaka ne bangsa-bangsa. ⁷ Pasiwo-siwon e lawas-Na nyi’a mouw eng kaulitan wo eng ka’adilan, e reiy’ sa mina’asa titah-Na en te’etep, ⁸ nente’ i wee e mapaweena wo eng keurena, tinuanala witu eng kaulitan wo eng kajujuran. ⁹ Neiy i papa’ali-Na eng kabebasan wia se umat-Na, pinerenta-Nala rio en teta’aran-Na i ti’i i wee eng keure-urena; ngaran-Na eng kudus wo eng hebat. ¹⁰ Kinetareani eng hikmat nyi’a mouw en talo si TUHAN, em baya ne tou se matuanala nyi’a se maka akal budi e le’os. Puji-pujian wia-Nisia e minena-ena’ i wee eng keurena.