¹ Mazmur ni Daud. Tuana mouw e nuwu’ ni TUHAN wia si tuangku: “Rumuberouw witu esa nga weka lele’os-Ku, i ka’ayo siwong-Ku se kesaru-kesarumu mamuali kontoiyan e ne’amu.” ² E wulu’ eng kaente’annu e laa i kaya’mi ni TUHAN waki Sion: merenta mouw witu e nelet ne kesarumu! ³ Witu e nendo se suraromu bangsamu mineela en tou kaa laa maju ampit e makaregetela eng kakudusan; waki gandongan em beena minapa’ato i wee nikoo eng ketaretumouannu tanu e leleidem. ⁴ TUHAN si timiwa’ mola, wo Nisia si reiy’ laa menesel: “Nikoo nyi’a mouw si imam i wee eng keure-urena, i ki’it si Melkisedek.” ⁵ TUHAN si witu esa nga weka lele’osmu; Nisia si rumimu’umukla se raja-raja witu e nendo e nupi’-Na, ⁶ Nisia si minukum se bangsa-bangsa, i ka’ayo e mayat-mayat e mineteta’ateran; Sia si rumimu’umukla se tou-tou se minamuali kapala waki wanua pelas. ⁷ Waki so’oso’an witu li’ilik e lalan sia kumoo’, eng karengan e ni’itu nisia si kima’ati eng kokong.