1 Waki si Daud. Lo’orenouw si TUHAN, heiy imukurku! Lo’orenouw e ngaran-Na kudus, heiy pakasa’an em batinku! 2 Lo’orenouw si TUHAN, heiy imukurku! Wo te’a mouw paliurela e reiy’ sa mina’asa kale’osan-Na! 3 Sia si maampungela e reiy’ sa mina’asa eng kaselokannu, si male’osela e reiy’ sa mina’asa rumaramu, 4 Nisia si timubuusi em patou-touannu waki ruragh eng kubur, si minahkotala nikoo ampit e nupus o lale’ wo e rahmat, 5 Nisia si minakateu-teula eng kepa’arannu ampit eng kale’osan, i ka’ayo e masa mudamu e minamuali weru tanu em bitu si wara rajawali. 6 TUHAN si makelangla eng ka’adilan wo e nukum i wee se reiy’ sa mina’asa tou se paperasen. 7 Nisia si minapasine’u mola e lalan-lalan-Na wia si Musa, wo em pasiwo’siwon- pasiwo-siwon-Na wia se tou Israel. 8 TUHAN nyi’a mouw si tongkoupusen wo mengengupus, labot sabaar wo masewel e nupus lale’-Na. 9 E reiy’ re’eregh Sia make’i, wo reiy’ i wee eng keure-urena Sia pa’ar mesesuli’ 10 E reiy’ tinuana-Nala wia nikita e minewaaran ampit en dosa ta, wo e reiy’ neiy i suli’-Na wia nikita e minewaaran ampit kaselokan ta, 11 ta’an esa nga kerakek e langit wia natas em bumi, tuana mouw eng kewangko’na e nupus lale’-Na wia se tou-tou se talo Nisia. 12 esa nga kewa’akat en sendangan waki talikuran, tuana mouw neiy i wa’akat-Nami waki nikita eng kaselokan ta. 13 Tanu si ama’ meupus wia se oki-oki’na, tuana mouw si TUHAN nu meupus wia se tou-tou se talo Nisia. 14 Karengan Nisia nuesa si mete’u sapa nikita, Nisia si ghimenang, kaa nikita i yi’i ta riawu. 15 Sapa tare se tou, e nendo-nendona en tanu e rukut, tanu e wungang waki padang tuana mouw sia minungang; 16 sakawisa e reghes lumeasi nyi’a, takar e reiy’ mouw wia kasi sia, wo en tampana e reiy’ mouw sumine’u nisia kasi. 17 Ta’an e nupus o lale’ ni TUHAN waki eng keure-urena i ka’ayo eng keure-urena witu se tou-tou se talo Nisia, wo eng ka’adilan-Na i wee se oki’ o puyun, 18 i wee se oki-oki’ se timiboiy witu en teta’aran-Na wo se maghenang kaa laa metetuanala en titah-Na. 19 TUHAN si minalinto’orola en takhta-Na waki sorga wo eng keraja’an-Na e makakuasa witu e reiy’ sa mina’asa wo’o sapa. 20 Lo’orenouw si TUHAN, heiy malaikat-malaikat-Na, heiy pahlawan-pahlawan waraneiy se matuanala e nuwu’-Na ampit e malingala en suara nuwu’-Na. 21 Lo’orenouw si TUHAN, heiy reiy’samina’asa suraro-Na, heiy pejabat-pejabat-Na se matuanala eng kepa’aran-Na. 22 Lo’orenouw si TUHAN, heiy e reiy’ samina’asa siniwo-Na, waki e reiy’ sa mina’asa en tampa kakuasa’an-Na! Lo’orenouw si TUHAN, heiy imukurku!