¹ Mazmur i wee en tetule syukur. Rumio-rio mouw i wee si TUHAN, heiy minapekasa em bumi! ² Rumaghesouw wia si TUHAN ampit e mepa’a-pa’ar, meiy mouw witu en sinaru-Na ampit e merio-rio! ³ Kete’uanola, kaa si TUHANouw si Empung; Nisia mouw si simiwola nikita wo punya-Na mouw kita, umat-Na wo kawang ne domba perawiren-Na. ⁴ Ghumoremouw tumoro em pepalen leloangan-Na ampit eng kekantaren syukur, mea witu eng gorem em podol-Na ampit em puji-pujian, syumukurouw wia-Nisia wo lo’orenouw e ngaran-Na! ⁵ Karengan si TUHAN i ti’i si le’os, e nupus lale’-Na i wee eng keure-urena, wo eng kelale’an-Na e minena-ena’ see’ o see’.