¹ Semangatku e minarepu’, numurku e mina’apu mouw, wo i wee niaku neiy i kesadia eng kuburan. ² Eng kaulitna, niaku ku minamuali sesero’an; em berenku neiy i kalupu limo’ola eng kekawar nea. ³ Ma’anouw Nikoo si mamuali ne’eramku i wee-Nikoo nuesa! Seiype’ kasi si toro miyonla i wee niaku? ⁴ Karengan e nate nea neiy mouw i likep-Mula i wee em pangartian; ni’itu mouw eng karenganna Nikoo koo minape’ nisea kaa laa muntung. ⁵ Seiy i te si rumapotla si kalona kaa laa mesesero ka’untungan, em beren ne oki-oki’na e laa merapa. ⁶ Niaku ku minamuali mouw sesindiren witu nelet ne bangsa-bangsa, wo niaku ku minamuali tou si rinura’an eng giona. ⁷ Em berenku minakewur karengan nge’enget e nate, e reiy’ sa mina’asa weteng e nouwakeku tanu eng kumalenoan-kumalenoan. ⁸ Se tou-tou jujur se neiy i kenganga karengan eng kapualitan i ti’i, wo sitou si reiy’ siselok si kasa meupi’ witu se tou fasik. ⁹ Ma’anouw tu’u tuana sitou ulit si minena-ena’ witu e lalanna, wo sitou e weresi lawasna si maawes-maawes eng kaente’. ¹⁰ Ta’an nikouw nu waya, meiy mouw sumeup! Siesa tou si makapunya hikmat si reiy’ laa atongkula witu e nelet miouw! ¹¹ Numurku e limangkoiy mola, minapo’opolouw en tetiro’an-tetiro’angku, em pina’ayokula. ¹² Wengi e laa pesesiwon neala oat: en terang e makarengan modoli waki reiydem, pokeiy nea. ¹³ Sakawisa aku maarapla eng kaoatan ne tou minate en tanume em baleku, sumadiala en tetekelangku witu eng gorem eng kareiydeman, ¹⁴ wo lumila’ wia ruragh eng kubur: Nikoo koo ama’ku, wia se witek: Ina’ku wo se patuari weweneku, ¹⁵ takar wisa ku’a re’en e narapangku? Seiy ku’a re’en si limoo’ e wawean arapan i wee niaku? ¹⁶ Marua-rua nea se laa i katenem mea waki to’otolan eng kaoatan ne tou minate, sakawisa keiy mewali-wali tumumpa mea waki ghorem e riawu.” ¹⁶ Marua-rua nea se laa i katenem mea waki to’otolan eng kaoatan ne tou minate, sakawisa keiy mewali-wali tumumpa mea waki ghorem e riawu.”