¹ “Tou si neiy i patoumi waki si wewene, e reiy’ ure e numurna wo wuta eng kabalisa’an. ² Tanu e wungang sia minungang, laa o maweles, tanu eng kumalenoan-kumalenoan sia i kaliong mere’i wo reiy’ mete’u tumaang. ³ Ma’anouw tu’u Koo tumuyula en tu’usan-Nu wia sitou tanu ni’itu, wo i sarula wia-Nikoo kaa laa pa’adilen? ⁴ seiy si toro mapa eiy e lenas waki si najis? Siesa tou tu’u e reiy’! ⁵ Sa wona’na e nendo-nendona en tantu mouw, wo eng kelaker en sumedotna en tantu mouw wia-Nikoo, wo em paakaran-paakaranna e neiy-Mu mouw i tataapla, i ka’ayo e reiy’ mete’u ke’angannala, ⁶ satorona i wera-Mumi en tu’usan-Nu waki nisia, rio sia maseng, i ka’ayo sia tanu sitou paweean tetoro si toro kumeipila e nendona. ⁷ Karengan i wee nakana e waweane’ arapan: sakawisa tu pelen, sia si laa sumuru sumeup, wo en suruna e reiy’ mena’ matou. ⁸ Sakawisa eng kalatna matu’a witu eng gorem en tana’, wo en tu’urna minate witu eng gorem riawu, ⁹ takar sumuru mouw sia, ni’itu nu winouna mola en dano, wo i kaluarna momi em panga tanu eng keloko. ¹⁰ Ta’an sa sitou mate, takar e reiy’ mouw sikaketeran sia, sa sitou mapuneng, wisa ku’a re’en sia? ¹¹ Tanu e rano simegori waki ghorem en tasik, wo en so’oso’an eng kimo’okos wo e minapera, ¹² tuana mouw kangkasi se tou se limo’or wo se reiy’ mouw timo’ori kasi, i ka’ayo e langit i kaliong minere’i, nisea se reiy’ minawongke, wo se reiy’ timo’ori waki tekelna. ¹³ Oh, satorona Nikoo koo kumirongla niaku witu eng gorem eng kaoatan ne tou minate, kumedirla niaku, i ka’ayo e nupi’-Mu mompas; wo tumataapla e nedo i wee niaku, kamurian o ghumenang niaku kasi! ¹⁴ Sa sitou mate, toro ku’a re’en sia tumou sumeup? Takar naiku ku laa mee arap keurean e nendo-nendo pemalo-malo’angku, i ka’ayo tu ka’ayola em pontolku; ¹⁵ takar Nikoo koo laa kumeret, wo niaku tu’u ku laa sumingkom; Nikoo koo laa lumelo wia en siniwo lawas-Mu. ¹⁶ Uli-ulit tu’u Nikoo koo rumeken eng ke’angku, Nikoo koo reiy’ laa meela ghenang en dosaku; ¹⁷ kaselokangku e laa i ghoremla witu eng gorem en sompoiy-sompoiy e wina’ilela, wo eng kaselokangku e laa peneten-Nu ampit em pulut. ¹⁸ Ta’an tanu eng kuntung rimewa minesesuke’ekalan, wo eng kuntung watu e minensongi waki tampana, ¹⁹ tanu em batu-batu kini’ikis en dano, wo em bumi neiy i ayurla e naro repet en tana’na, tuana mouw Koo kumemula e narapan ni tou. ²⁰ Nikoo koo limupula nisia i wee eng keure-urena, takar mea mouw sia, Nikoo koo rimoba eng giona wo rumeo nisia mea. ²¹ Se oki-okina se minamulia, ta’an nisia si reiy’ mete’u; ka’apa nisea se minamuali hina, ta’an nisia si reiy’ minete’ula nyi’a ²² E nouwakna i te en simiwo en touna peme’itan, wo karengan en touna nuesa imukurna e mengasi’.”