¹ “Eng kaulitna, em baya nyi’a i ti’i e linoo’ mola em berenku, lininga wo em pinangartiala en talingaku. ² Sapa eng kete’uan niouw, niaku kangkasi ku mete’u, niaku ku reiy’ kala ampit nikouw. ³ Ta’an niaku, niaku ku laa mesesusuiy ampit Si Kasakuasa, niaku ku pa’ar mererapit em perkaraku witu en sinaru ni Empung. ⁴ Eng kapurikitna nikouw mouw sitou kimelungla en towo, tabib palsu mouw nikouw nu minapekasa. ⁵ sa wona’na kouw menet en suma, ni’itu e laa i papokeiyla kesama’an waki nikoo. ⁶ Linganola em perapitangku, wo weeanola ghenang em paperoan en sumpingku. ⁷ Pa’ar ku’a re’en koo tumowo i wee si Empung, pa’ar ku’a re’en kouw tumotorla en towo i wee Nisia? ⁸ Sapa ku’a re’en kouw pa’ar maedo-edo si Empung, mapero kaa laa mererapit Nisia? ⁹ Sapa ku’a re’en le’os, sa Sia sumoisap nikouw? Toro ku’a re’en kouw lume’ekok Nisia tanu e lume’ekok sitou? ¹⁰ Nikouw kouw laa ukumen-Na ampit eng kete, sa wona’na kouw memene-menes ma esa nga weka. ¹¹ Sapa ku’a re’en eng kewangko’an-Na e reiy’ laa sumenge’la nikouw wo keide’an wia-Nisia en tumoro nikouw? ¹² En dalil-dalilmu nyi’a mouw e amsal riawu, wo eng kekelungmu eng kekelung tana’ pulut. ¹³ Menes! Niaku ku laa mesesusuiy, sapa tu’u e laa mamuali witu en touku! ¹⁴ Le’onaku e laaku edon ampit em ba’angku, wo e nyawaku e laaku palaren witu e rerongkemku. ¹⁵ Loo’onouw, Sia si laa mewewunu’ niaku, e reiy’ mola arapan i wee niaku, ta’anouw niaku ku laa mererapit kapawinta-winta’ku witu en sinaru-Na. ¹⁶ Ni’itu mouw e limawirla niaku; ta’an sitou fasik si reiy’ laa sumaru wia-Nisia. ¹⁷ Linganola makale’o-le’os e lelila’angku, weeanola ghenang eng katerangangku. ¹⁸ Kete’uanola , niaku ku timiro’la em perkaraku, ku ma’eman, kaa niaku ku ulit. ¹⁹ Seiy si pa’ar me’ising ampit niaku? Witu nedo i te ni’itu kangkasi ku pa’ar makapenes en tou wo mapuneng. ²⁰ Ta’an i te te’a mouw Koo metetuanala witu niaku e rua kapualitan i yi’i, takar niaku ku reiy’ laa kumirong witu Nikoo: ²¹ wa’akatomi satorona e lawas-Mu waki niaku wo eng kineide’an witu Nikoo te’a mouw tumoro niaku! ²² Keretenouw, takar niaku ku laa mingkot; ka’apa niaku ku sumusuiy, wo Nikoo koo mingkot. ²³ Takura eng kasela eng kaselokan wo en dosaku? I pakite’u mola wia niaku eng kaselokan wo en dosaku i ti’i. ²⁴ Ka’a Koo kumirongla eng gio-Mu, wo mapokeiyla niaku ku tanume si kesaru-Mu? ²⁵ Sapa ku’a re’en Koo laa mapaide-ide’la e laleiyna neiy i sengola e reghes, wo mekeki’it en daami pera? ²⁶ Karengan Nikoo koo minatik eng kapualitan-kapualitan pe’it witu niaku wo mukum niaku karengan eng kaselokan wo e masa mudaku; ²⁷ ne’aku neiy i ghorem-Mula witu eng gorem en tongkoru, e reiy’ sa mina’asa eng kapawinta-winta’ku em pategha’en-Nula, wo em paape’ neiy i ta’an-Nu witu rerior em palar ne’aku? ²⁸ Wo em baya nyi’a i ti’i witu se tou lewea’ mouw tanu eng kayu tewu, tanu e roko’ kinaan ne momot!”