¹ Linganouw e nyi’i, heiy em baya ne imam, weeanola ghenang, heiy kaum Israel, wo i ta’anouw en talinga, heiy me’urang ni raja! Karengan en tanume nikouw mouw em peukuman i ti’i, karengan nikouw kouw minamuali mouw pure’eket i wee e Mizpa, wo tetempang neiy i welarla waki atas eng kuntung Tabor, ² wo em po’opot kina’arut waki kewong Sitim, takar Niaku i yi’i ku laa sumiasa nisea nu pekasana. ³ Niaku i yi’i ku sumine’u si Efraim, wo se Israel se reiy’ neiy i kakirong i wee-Niaku, karengan nikoo koo simiwo mouw en sa’amek, heiy Efraim; wo se Israel se simeremorola en tou. ⁴ Em pasiwo-siwon – pasiwo-siwon nea e reiy’ miniyonla nisea murikit wia si Empung nea, karengan e roh pesa’amekan em bitu e nelet nea, wo nisea se reiy’ sumine’u si TUHAN. ⁵ Katingkeiyan ne Israel e minamuali sairi witu en touna nuesa; Efraim si laa i karo’oros i ka’anu kaa eng kaselokanna nuesa, wo mewali-wali nisea kangkasi e Yehuda. ⁶ Ampit en tetule membe’ domba wo se lembu sapina nisea se laa mea kaa laa mesesero si TUHAN, ta’an se reiy’ laa matola Nisia; Nisia si kimeongomi en tou waki nisea. ⁷ Nisea se sime’epangouw witu si TUHAN, karengan nisea se minapaurangola se oki-oki’ reiy’ sah; en teakan si mememuneng si laa kumaan ma’apu nisea wo em penguma’an nea. Israel si masero tetulungan wisa-wisa i te ta’an e reiy’ sipenoron ⁸ Sengonouw en sesebungen waki Gibea, wo e nafiri waki Rama. Rumekeiy mouw waki Bet-Awen, tumenggo’ogho’ mouw, heiy Benyamin! ⁹ Efraim si laa mamuali rese, witu e nendo peukuman; en tanume se suku-suku Israel Niaku ku mapakite’u sapa en tantu. ¹⁰ Em baya ne pamuka-muka ne Yehuda nyi’a mouw se tanu se tou-tou mase’ese’ em paakaran; mea witu natas nea e laa-Ku i toa’la eng kaupi’ang-Ku tanu en dano. ¹¹ Efraim si neiy i kalotoiy, rinimu’umukla e nukuman, karengan nisia si kimete kaa laa kumelang maki’itla e reiy’ sipenoron. ¹² Kaa ni’itu Niaku i yi’i ku laa tanu se wu’uwuk i wee si Efraim wo tanu se witek i wee se kaum Yehuda. ¹³ Eng katoroan si Efraim nu limoo’ e rumarana, wo si Yehuda nu limoo’ eng kupesna, takar mea mouw si Efraim minea waki asyur wo tumoke tou wia si Raja “Wangko” ta’an nisia tu’u si reiy’ mete’u lume’osla nikouw wo reiy’ mete’u merere’ila eng kupes i ti’i waki nikoo. ¹⁴ Karengan Niaku i yi’i ku tanu si singa i wee si Efraim, wo tanu si singa muda i wee se kaum Yehuda, Niaku, Niaku i yi’i ku laa ruma’akep, laa o mea, Niaku ku laa tumager wo e reiy’la si mayala. ¹⁵ Niaku ku laa mea mareng waki tampa-Ku, i ka’ayo sea maaku simelok wo sumero eng gio-Ku. Witu eng kase’esekanna nisea se laa lumelo Niaku: