¹ O mee mouw nuwu’ si TUHAN wia niaku: “Mea mouw kasi, i koupusola si wewene pa’ar mesa’amek wo masiwo en sa’amek, tanu si TUHAN kangkasi nu moupusela se tou Israel, ma’anouw tu’u sea limenge wia se empung-empung walina wo mepa’arla eng kukis kismis.” ² O laa ku tumeles nisia i wee niaku ampit e wewear mapulu’ o lima syikal perak wo e nesa o nesa nga parua homer jelai. ³ Niaku ku limila’ wia nisia: “Ure koo lewo’ sa reiy’ mena’ wia niaku ampit e reiy’ suma’amek wo ampit e reiy’ mamuali kapunya’an ni esa tuama; o kangkasi niaku i yi’i ku reiy’ laa maesala nouwak ampit nikoo.” ⁴ Karengan ure se tou Israel laa mena’ ampit e reiy’la si raja, rereiy’la ma’aka-aka, rereiy’la tetule, rereiy’la tugu berhala wo rereiy’la efod wo terafim. ⁵ Nu reiy’ mouw i tu se tou Israel se laa murikit wo laa sumero si TUHAN, Empung nea, wo si Daud, raja nea. Nisea se laa meiy ampit e matenggo’ogho’ wia si TUHAN wo witu eng kale’osan-Na witu e nendo-nendo kesampetan.