^{1 2} Efraim si metayur e reghes, wo mekeki’it e reghes sedangan esa nga endo-endoan, minepelaker en towo wo em papunengan; nisea se simiwola teta’aran ampit si Asyur, wo minali lana wia si Mesir. ³ TUHAN si makapunyala paperoan ampit si Yehuda, Sia si laa mukum si Yakub minatoroan ampit eng kapawinta-winta’na, wo laa meela sesuli’an wia nisia minatoroan ampit em pasiwo-siwon – pasiwo-siwonna. ⁴ Witu eng gorem eng gandongan nisia si lime’ekok si patuarina, wo witu eng kegaga’anna sia si mewewueiyan ampit si Empung. ⁵ Sia si mewewueiyan ampit si Malaikat wo minuntung: sia si miname’ wo minaleiy en tongkoupusen wia-Nisia. Waki Betel sia maatoan ampit Nisia, wo manamome Sia mee nuwu’ wia nisia: ⁶ – nyi’a i yi’i si TUHAN, Empung em pakasa’an alam, TUHAN e ngaran-Na – ⁷ “Nikoo i yi’i koo lewo’ sa reiy’ murikit wia si Empungmu, piaranouw e nupus o lale’ wo e nukum, wo pa’ena’anola si Empungmu reiy’ maena-ena’na.” ⁸ Masuat tanu eng Kana’an, ampit en tetimbangan reiy’ ulit witu e lawasna, wo pa’ar maperas, ⁹ lumila’ mouw si Efraim: “Reiy’ ku’a re’en niaku ku minekaya mouw, minaka’ato mola eng harta benda i wee niaku! Ta’an e reiy’ sa mina’asa wua’na em pine’inakutku e reiy’ minapa eiyla eng kaselokan e nasarla en dosa i wee niaku.” ¹⁰ Ta’an Niaku nyi’a mouw ku TUHAN, Empungmu rengan waki tana’ Mesir; Niaku ku pa’are’ mesesiwo nikoo mena’ sumoup waki dasing-dasing tanu witu e nendo-nendo pinasungkulan wangko’. ¹¹ Niaku ku simusuiy wia em baya ne nabi wo minekelaker mawee em pineleloo’ wo mawee em peulurela ampit e nieletan ne nabi-nabi. ¹² Sa waki Gilead wawean kalewo’an, takar nisea se minamuali reiy’ sipenoron minapekasana; waki Gilgal nisea se minapasempela se sapi-sapi raghar, takar e mezbah-mezbah nea kangkasi e mamuali tanu en tawunan e watu waki lare’-lare’ em penguma’an. ¹³ Yakub si timingkasla en tou mea waki Tana’ Aram, wo si Israel si minepehambala en tou kaa laa maka’ato tu’awewene, yon, kaa laa maka’atola tu’awewene sia mamuali rumerawir. ¹⁴ Israel si tineper ni TUHAN rimou’mi waki mesir ampit e nieletan niesa nabi, yon, sia si tinayuran niesa nabi. Efraim si limentutola e rara ate-Na eng kenaramen pe’it, takar si Tuhanna si laa mayala e nutang raa’na tumoro nisia, wo laa sumuli’ e walangna wia nisia.