¹ I lawa mola e rotimu witu en dano, takar nikoo koo laa matola nyi’a sumeup e nure nu reiy’ mouw e ni’itu. ² Weeanola weteng wia se pitu, awes tare wia se uwalu tou, karengan nikoo koo reiy’ mete’u eng kacilaka’an sapa e laa mamuali wia natas em bumi. ³ Sa e linaak-linaak rimat en tma’apung aro, takar e naro i ti’i ni’i wura’araknami wia natas em bumi; wo sa e nakana i kakolo’ mea timu ka’apa mea amian, waki tampa e nakana i ti’i kumolo’, witu sia minena’ neiy i kareta’. ⁴ Seiy si reiy’ siena’na maweela ghenang e reghes si reiy’ laa kumeror; wo seiy si reiy’ siena’na maloo’ e linaak si reiy’ laa mupu’. ⁵ Tanu eng kumura nikoo nu reiy’ mete’ula e lalan e reghes wo e ruiy-ruiy witu eng gandongan niesa wewene megandong, en tuanakan kangkasi nikoo koo reiy’ minamete’ula em pepa’ayangen ni Empung si matuanala e reiy’ sa mina’asa wo’o sapa. ⁶ I wu’uwurola em bibitmu memo’odope’ e nendo, wo te’a mouw meweweela maseng wia si lawasmu witu e nendo mawengindo, karengan nikoo koo reiy’ mamete’ula sapa ku’a re’en e nyi’i ka’apa e ni’itu laa mua’, ka’apa e rua-rua nyi’a e masuat le’os. ⁷ En terang i ti’i e makasenaangen wo maloo’ siendo i ti’i e le’os i wee em beren; ⁸ eng karengan e ni’itu sa wona’na sitou e labot e numurna, ma’anouw sia mepa’a-pa’ar witu nyi’a, ta’an satorona sia ghumenangla e nendo-nendo reiydem, karengan eng ka’asa’an eng kelakerna. E reiy’ sa mina’asa e mineiy nyi’a mouw e reiy’ sipenoron. ⁹ Mepa’a-pa’arola, heiy taretumou, witu eng kamuda’annu, ma’anouw e natemu mepa’a-pa’ar witu e masa mudamu, wo ki’itanola eng kepa’aran e natemu wo em patu’usan em berennu, ta’an kete’uanola kaa eng karengan e reiy’ sa mina’asa kapualitan i yi’i si Empung si laa mali nikoo mea waki paadilan! ¹⁰ I tea’ mouw eng ka’aripan waki e natemu wo i wa’akatola em peme’itan waki e nouwakmu, karengan eng kamuda’an wo em beena em patou-touan nyi’a mouw e reiy’ sipenoronna.