¹ Silaler minate si kimarenganla e ne’isu waki si sumesiwo ne’isu’ e minou wuruk; tuanakan kangkasi en toyo’ kawe’engelan e lebe mengaruiy ta’an eng hikmat wo eng kaormatan. ² Nate ni tou makahikmat e matuyu mea lele’os, ta’an e nate ni tou we’engel mea kawii. ³ O kangkasi sa sia kumelang witu en sesolongan sitou we’engel i ti’i en sumpul eng genangna, wo nisia si meila’ wia se susur tou: “Sitou i ti’i si we’engel!” ⁴ Sa e nupi’ ni makua-kuasa en tumoro nikoo, te’a mouw metetele’ula en tampamu, karengan eng kasabaaran e malouw eng kaselokan-kaselokan wangko’. ⁵ Wawean e nesa kalewo’an e linoo’ku witu e wawa’ ni endo tanume eng kaselokan e nasal waki siesa tou makua-kuasa: ⁶ witu e laker tampa kerakek, neiy i ruberla se tou we’engel, kasuatan en tampa kumeng e rinuberan ne tou kaya. ⁷ Niaku ku limoo’ se budak-budak simake kawalo wo se pemangko’-pemangko’ se makelang tanu se budak-budak. ⁸ Seiy i te si kumiar eng ko’okor si laa i ka’anu witu eng goremna, wo seiy i te si tumubal em beton si laa tongko’on ni leloiy’. ⁹ Seiy i te si mete’la watu si laa pali’an nyi’a; seiy i te si kumewe’ eng kayu si laa bahayanla nyi’a. ¹⁰ Sa em besi masumpul wo e reiy’ wi’iwi’in, takar sitou si lewo’ sa reiy’ mapasela eng keter, ta’an eng kasa pe’ukumen kaa laa mua’ nyi’a mouw eng hikmat. ¹¹ Sa si leloiy’ tumongko’ nu reiy’pe en doti neiy i totorla, takar si dumedoti si reiy’ laa mua’. ¹² Lelila’an en suma ne tou makahikmat e mengaruiy, ta’an en sumping ni tou we’engel e nume’enep sitou i ti’i nuesa. ¹³ Eng ketareani e lelila’an rimou’mi waki sumana nyi’a mouw eng kawe’engelan, wo eng kinawusan en susuiyna nyi’a mouw eng keba’abalan makacilakan. ¹⁴ Sitou we’engel kelaker en susuiyna, ma’anouw tu’u sitou si reiy’ mete’u en sapa e laa mamuali, wo seiy ku’a re’en si laa lumila’la wia nisia sapa e laa mamuali nu reiy’ mouw nisia? ¹⁵ Rawoiy o wedu ni tou we’engel e makawedun sitou i ti’i nuesa, karengan nisia si reiy’ mete’ula e lalan mea waki kota. ¹⁶ Woiy nikoo tana’, sa si rajamu siesa anakoki’, wo se ma’aka-aka – ma’aka-akamu e memo’odope’ se kimaanola! ¹⁷ Ma’aruiyola nikoo tana’ sa si rajamu siesa tou asal waki se kaum pamuka-muka, wo se ma’aka-aka – ma’aka-akamu se mekaan witu e nedona witu eng kewaraneiyan wo e reiy’ witu eng kinatoekan! ¹⁸ Eng karengan e reiy’ kaweduan i karewa mouw e natep, wo eng karengan eng kame’emengan e lawas po’opotouw em bale. ¹⁹ Kaa laa kume’eke’ sitou si mesakeiyla eng kekaanen; anggor e melaya’la em patou-touan wo e loit e mawona’la em baya nyi’a i ti’i. ²⁰ Witu eng genang tu’u te’a mouw koo mekekutokla si raja, wo witu eng kamar patekelan te’a mouw koo mekekutokla sitou kaya, karengan si wara waki reghe-reghesan si wona’na laa ma’ayola en totormu, wo se reiy’ sa mina’asa makakale’ekew se toro ma’ayola sapa e neiymu i totorla.