¹ Sapa tare se tou Israel, nyi’i mouw en daftar em baya ne kapala walak, em baya ne panglima pasukan esa nga riwu wo ne pasukan esa nga atus wo em baya ne menenu’utul se melayanla si raja witu e reiy’ sa mina’asa kapualitan tanume e rewok ne tou-tou se malukar wo limeken, sumedot demi en sumedot, kelabotan en te’un. Susur e rewok kelakerna se rua nga pulu’ o epat nga riwu tou. ² Si mekapalala e rewok kasa ketare-tare i wee en sumedot kasa ketare-tare nyi’a mouw si Yasobam bin Zabdiel wo witu e rewokna se rua nga pulu’ o epat nga riwu tou. ³ Sia si waki se bani Peres wo si kimapalala em baya se panglima i wee en sumedot kasa ketare-tare. ⁴ Si kimapalala e rewok sumedot karua nyi’a mouw si Dodai, tou e Ahohi, kasuatan si ma’aka-aka e rewok ne rua nga pulu’ o epat nga riwu tou, nyi’a mouw si Miklot. ⁵ Panglima katelu i wee en sumedot katelu nyi’a mouw si Benaya, oki’ ni imam kapala Yoyada, wo se witu e rewokna se rua nga pulu’ o epat nga riwu tou. ⁶ Benaya i yi’i nyi’a mouw siesa tou waki se telu nga pulu’ pahlawan wo si kimapalala se telu nga pulu’ tou i ti’i, ta’an si timiboiy em pa’aka-aka’an e rewokna nyi’a mouw si Amizabad, oki’na. ⁷ Si kaepat i wee en sumedot kaepat nyi’a mouw si Asael, patuari ni Yoab, kamurian sia si sinawelan ni Zebaja, oki’na, wo se witu e rewokna se rua nga pulu’ o epat nga riwu tou. ⁸ Si kalima i wee en sumedot kalima si Samhut tou e Yizrah, si panglima i ti’i, wo se witu e rewokna se rua nga pulu’ o epat nga riwu tou. ⁹ Si kaenem witu en sumedot kaenem nyi’a mouw si Ira oki’ ni Ikesh tou en Tekoa wo witu e rewokna se rua nga pulu’ o epat nga riwu tou. ¹⁰ Si kapitu i wee en sumedot kapitu nyi’a mouw si Heles, tou em Peloni, waki se bani Efraim, wo witu e rewokna se rua nga pulu’ o epat nga riwu tou. ¹¹ Si kauwalu i wee en sumedot kauwalu nyi’a mouw si Sibkhai, tou eng Huza waki se tou en Zerah i ti’i, wo witu e rewokna i ti’i se rua nga pulu’ o epat nga riwu tou. ¹² Si kasiouw i wee en sumedot kasiouw nyia’mouw si Abiezer, tou e Anatot i ti’i, waki se bani Benyamin, wo witu e rewokna se rua nga pulu’ o epat nga riwu tou. ¹³ Si kamapulu’ i wee en sumedot kamapulu’ nyi’a mouw si Maharai, tou e Netofa waki se tou en Zerah i ti’i , wo witu e rewokna se rua nga pulu’ o epat nga riwu tou. ¹⁴ Si kamapulu’ o esa i wee en sumedot kamapulu’ o esa nyi’a mouw si Benaya, tou em Piraton, waki se bani Efraim, wo witu e rewokna se rua nga pulu’ o epat nga riwu tou. ¹⁵ Si kamapulu’ o rua i wee en sumedot kamapulu’ o rua nyi’a mouw si Heldai, tou e Netofa i ti’i, see’ ni Otniel, wo witu e rewokna se rua nga pulu’ o epat nga riwu tou. ¹⁶ Si kimapalala se suku-suku Israel: i wee se tou e Ruben nyi’a mouw si Eliezer bin Zikhri si tanume si ma’aka-aka; i wee se tou en Simeon nyi’a mouw si Sefaca bin Maakha; ¹⁷ i wee se suku Lewi nyi’a mouw si Hasabya bin Kemuel; i wee se see’ ni Harun nyia’ mouw si Zadok; ¹⁸ i wee se suku Yehuda nyi’a mouw si Elihu, si meta’esa’an patuari ni Daud; i wee se suku Isakhar nyi’a mouw si Omri bin Mikhael; ¹⁹ i wee se suku Zebulon nyi’a mouw si Yismaya bin Obaja; i wee se suku Naftali nyi’a mouw si Yerimot bin Azriel; ²⁰ i wee se bani Efraim nyia’ mouw si Hosea bin Azazya; i wee se esa nga parua suku Manasye nyi’a mouw si Yoel bin Pedaya; ²¹ i wee se esa nga parua suku Manasye se waki Gilead nyi’a mouw si Yido bin Zakharia; i wee se suku Benyamin nyi’a mouw si Yaasiel bin Abner; ²² i wee se suku Dan nyi’a mouw si Azareel bin Yeroham. Ni’itu mouw em baya se kapala ne suku-suku Israel. ²³ Daud si reiy’ rimeken eng kelakerna ne tou-tou se makaumur rua nga pulu’ nge te’un o mawa’, karengan si TUHAN si tima’arola kaa laa mesesiwola se tou Israel lumaker tanu se sumesena’-sumesena’ waki langit. ²⁴ Memang si Yoab, oki’ ni Zeruya, si minuleiy mola mareken, ta’an nisia si reiy’ simampetla nyi’a, karengan kaa eng kapualitan i ti’i se tou Israel se tinoro e nupi; ampit en tuana eng kelaker nea se reiy’ neiy i buukela witu eng kaol sejarah ni raja Daud. ²⁵ Si mategha’ala e walun ni raja nyi’a mouw si Azmawet bin Adiel wo si mategha’la e walun waki luar kota, waki kota-kota, waki desa-desa wo witu eng gorem em pewale-pewale en talimumung nyi’a mouw si Yonatan bin Uzia. ²⁶ Si mategha’la em baya ne memema’ayang waki penguma’an se lewo’ sa reiy me’inakutla en tana’ nyi’a mouw si Ezri bin Kelub. ²⁷ Si mategha’la e numa-uma anggor nyi’a mouw si Simei, tou e Rama. Si mategha’la e wua’na numa anggor i wee e walun e nanggor nyi’a mouw si Syifmi. ²⁸ Si mategha’la e nakana-nakana en zaitun wo e nakana-nakana e ara waki Daerah Kakenturan nyi’a mouw si Baal-Hanan, tou eng Gederi; si mategha’la e walun lana nyi’a mouw si Yoas. ²⁹ Si mategha’la se lembu sapi se perawiren waki tana’ Saron nyi’a mouw si Sitrai, tou en Saron; si mategha’la se lembu sapi waki kewong-kewong nyi’a mouw si Safat bin Adlai. ³⁰ Si mategha’la se onta-onta nyi’a mouw si Obil, tou e Ismael; si mategha’la se keledai-keledai mereiy nyi’a mouw si Yehdeya, tou e Meronot. ³¹ Si mategha’la se membe’ domba nyi’a mouw si Yazis, tou eng Hagri. Nisea nu waya i yi’i nyi’a mouw se tumetegha’ eng harta kapunya’an ni raja Daud. ³² Yonatan, patuari ni ama’ ni Daud, nyi’a mouw si ngumenge’enge’; sia siesa tou lali’iket wo si kasa sigha’ eng kaol. Yehiel bin Hakhmoni si mesawang se oki-oki’ ni raja. ³³ Ahitofel nyi’a mouw si ngumenge’enge’ ni raja; Husai, tou e Arki nyi’a mouw si kalo ni raja. ³⁴ Si simawelela si Ahitofel kamurian nyi’a mouw si Yoyada bin Benaya wo si Abyatar. Panglima ni raja nyi’a mouw si Yoab.