¹ Tanume e rewok em baya ne menaang witu em pepalen: waki se tou eng Korah nyi’a mouw si Meselemya bin Kore waki se see’ ni Ebyasaf. ² Meselemya si makapunya se oki-oki’, nyi’a i yi’i si Zakharia, sioki’ polon, Yediael, sioki’ karua, Zebaya sioki’ katelu, Yatniel, sioki’ kaepat, ³ Elam, sioki’ kalima, Yohanan, sioki’ kaenem, Elyoenai, sioki’ kapitu. ⁴ bed-Edom si makapunya se oki-oki’, nyi’a i yi’i si Semaya, sioki’ polon, Yozabad, sioki’ karua, Yoah, sioki’ katelu, Sakhar, sioki’ kaepat, Netaneel, sioki’ kalima, ⁵ Amiel, sioki’ kaenem, Isakhar sioki’ kapitu wo si Peuletai, sioki’ kauwalu, karengan si Empung si minerkatola nisia. ⁶ I wee si Semaya, oki’ ni Obed-Edom i ti’i, minatou se oki-oki’. Nisea se timiboiy em paperenta’an witu nelet e walak nea, karengan nisea i ti’i nyi’a mouw se pahlawan-pahlawan waraneiy. ⁷ Se oki-oki’ ni Semaya nyi’a mouw si Otni, Refael, Obed, wo si Elzabad ma’an se patuari-patuarina, nyi’a i yi’i si Elihu wo si Semakhya, se tou-tou waraneiy. ⁸ Nisea nu waya nyi’a mouw se waki se see’ ni Obed-Edom, nyi’a i yi’i nisea nuesa, se oki-oki’ nea wo se patuari-patuari nea, siesa o siesa se tou waraneiy, se ripoiy i wee em pepa’ayangen i ti’i, se enem nga pulu’ o rua tou eng kelakerna waki se Obed-Edom. ⁹ Wo si Meselemya si makapunya se mapulu’ o uwalu oki’ wo patuari, se tou-tou waraneiy. ¹⁰ Hosa waki se bani Merari si makapunya se oki-oki’, nyi’a i yi’i si Simri, siesa kapala – karengan ma’anouw tu’u sia reiy’ oki’ polon, ta’an si ama’na si minopo nisia minamuali kapala – ¹¹ Hilkia, sioki’ karua, Tebalya sioki’ katelu wo si Zakharia, sioki’ kaepat. Em baya se oki’ wo se patuari ni Hosa i ti’i se mapulu’ o telu tou. ¹² Se rewok-rewok em baya ne menaang witu em pepalen i ti’i, se wineteng i ki’it si kapala kaum, se makapunyala e lukar melayanla witu em bale ni TUHAN, masuat tanu se patuari-patuari esa nga suku nea. ¹³ I wee susur em pepalen leloangan nisea se malobo’ koba’, i ki’it e walak-walak nea, le’os e walak oki’ ka’apa tu’u e walak sela. ¹⁴ Eng koba’ i wee em pepalen sendangan e limenta’ wia si Selemya; tumodongla nyi’a nisea se limobo’ koba’ i wee si Zakharia, oki’na, siesa tou ngumenge’enge’ si maka akal budi, laa o lumenta’ mouw eng koba’na i wee em pepalen amian. ¹⁵ I wee si Obed-Edom nyi’a mouw em pepalen timu wo i wee se oki-oki’na eng godong lelekepan. ¹⁶ I wee si Supim wo si Hosa nyi’a mouw em pepalen talikuran ma’an em Pepalen Leloangan Syalekhet witu e lalan wangko’ penosoran. Tumetayur esa neiy i wee mina esa nga weka’an ampit se tumetayur walina. ¹⁷ Waki esa nga weka sendangan wawean se enem tou susur nendo, waki esa nga weka amian wawean se epat tou susur nendo, ta’an witu eng godong lelekepan salalu wawean rua tou; ¹⁸ witu em Parbar waki esa nga weka talikuran: se epat tou se witu e lalan wangko’ wo se rua tou se witu em Parbar. ¹⁹ Ni’itu mouw se rewok-rewok em baya ne menaang witu em pepalen waki se bani Korah wo waki se bani Merari. ²⁰ Tou-tou Lewi, se patuari-patuari esa nga suku nea, se tumetegha’ witu em penu’utu-nu’utulan em bale ni Empung wo se tumetegha’ witu em penu’utu-nu’utulan em barang-barang kudus; ²¹ bani Ladan, nyi’a i yi’i se see’ ni Gerson timoromi si Ladan, se makapunya tou-tou Yehiel tanume se kapala walak. ²² See’ ni Yehiel, nyi’a i yi’i si Zetam wo si Yoel, patuarina, se mategha’la witu em penu’utu-nu’utulan em bale ni TUHAN. ²³ Waki se tou Aram, tou Yizhar, tou eng Hebron wo se tou Uziel ²⁴ nyi’a mouw si Sebuel bin Gersom bin Musa si minamuali kapala witu em penu’utu-nu’utulan. ²⁵ Se kawanua patuari ni Sebuel timoromi si Eliezer nyi’a mouw si Rehabya, oki’ ni Eliezer, wo si Yesaya, oki’ ni Rehabya, wo si Yoram, oki’ ni Yesaya, wo si Zikhri, oki’ni Yoram, wo si Selomit, oki’ ni Zikhri. ²⁶ Si Selomit i yi’i ma’an se kawanua patuarina se mategha’la witu em penu’utu-nu’utulan em barang-barang kudus eng kinudusola ni raja Daud wo em baya ne kapala walak wo em baya ne ma’aka-aka ne pasukan esa nga riwu wo ne pasukan esa nga atus wo em baya ne panglima. ²⁷ Nisea se kimudusola nyi’a waki kinaati witu em paseke’an kaa laa meseserengatla em bale ni TUHAN. ²⁸ O kangkasi e reiy’ sa mina’asa eng kinudusla ni Samuel, lumeloo’i ti’i, ni Saul bin Kish, ni Abner bin Ner wo ni Yoab, oki’ ni Zeruya, iyon e reiy’ sa mina’asa barang eng kinudusla em bitu e wawa’ em pategha’an ni Selomit ma’an se kawanua patuarina. ²⁹ Waki se tou Yizhar nyi’a mouw si Kenaya ma’an se oki-oki’na se sinarakanan e lukar luar waki Israel, nyia’ i yi’i se minamuali tumetu’utul wo akim. ³⁰ Waki se tou eng Hebron nyi’a mouw si Hasabya ma’an se kawanua patuarina, se tou-tou waraneiy, se esa nga riwu pitu nga atus tou eng kelakerna, se sinarakanan e nurusan pemerenta’an Israel waki esa nga weka talikuran en so’oso’an Yordan witu e reiy’ sa mina’asa nurusan i wee si TUHAN wo e reiy’ sa mina’asa pepa’ayangen i wee si raja. ³¹ Waki se tou eng Hebron nyi’a mouw si Yeria si minamuali kapala. Tanume se tou eng Hebron, en tanume se see’na wo e walakna, witu en te’un kaepat nga pulu’ en zaman paperenta’an ni Daud en siniwoala pakumisian tanume nisea wo kaloo’ala, kaa witu nelet nea wawean se pahlawan-pahlawan waraneiy waki Yaezer-Gilead. ³² Se kawanua patuari ni Yeria, se tou-tou waraneiy, se kapala-kapala walak se rua nga riwu pitu nga atus tou. Nisea i ti’i se pinopo ni raja Daud mategha’la se tou Ruben, Tou eng Gad wo se suku Manasye se esa nga parua i ti’i witu e reiy’ sa mina’asa perkara i wee si Empung wo e reiy’ sa mina’asa perkara i wee si raja.