¹ Tumodongla nyi’a i wee e raghes ni Daud wo em baya ne panglima se timudu’ se oki-oki’ ni Asaf, oki-oki’ ni Heman wo se oki-oki’ ni Yedutun. Nisea se mawenti’ ampit em peteperela eng kecapi, gambus wo en ceracap. Daftar ne tou-tou se mepa’ayang witu e raghes i yi’i nisea mouw se tumodongla i yi’i: ² waki se oki-oki’ ni asaf nyi’a mouw si Zakur, Yusuf, Netanya wo si asarela, se oki-oki’ ni Asaf se witu wawa’ em paaka-aka’an ni Asaf, se mawenti’ ampit en teturu’ ni raja. ³ Waki si Yedutun nyi’a mouw se oki-oki’ ni Yedutun: Gedalya, Zeri, Yesaya, Simei, Hasabya wo si Matica, se enem tou, witu e wawa’ em pa’aka-aka’an ni ama’ nea, Yedutun si mawenti’ ampit peteperen eng kecapi witu e nedo mekantarla en syukur wo em puji-pujian i wee si TUHAN. ⁴ Waki si Heman nyi’a mouw se oki-oki’ ni Heman: Bukia, Matanya, Uziel, Sebuel, Yerimot, Hananya, Hanani, Eliata, Gidalti, Romamti-Ezer, Yosbekasa, Maloti, Hotir wo si Mahaziot. ⁵ Nisea i yi’i nu waya nyi’a mouw se oki-oki’ ni Heman, lumeloo’ ni raja, i ki’it en ta’ar ni Empung kaa laa mererakekla en sunge kaente’anna; karengan si Empung si minee mola wia si Heman se mapulu’ o epat oki’ tuama wo se telu oki’ wewene. ⁶ Nisea iyi’i pekasana se witu e wawa’ em pa’aka-aka’an ni ama’ nea witu e nedo mekantarla eng kekantaren witu em bale ni TUHAN ampit pateperen en ceracap, gambus wo eng kecapi i wee e raghes witu em bale ni Empung ampit en teturu’ ni raja. Tuana mouw eng ka’ada’an ne bani Asaf, Yedutun wo si Heman. ⁷ Eng kelaker nea mewali-wali se patuari-patuari nea se linati mola mekantar i wee si TUHAN – nisea nu waya nyi’a mouw se kasa sigha’ en seni – se rua nga atus uwalu nga pulu’ o uwalu tou. ⁸ Tu’a wo se muda, guru wo se murid, se limobo’ eng koba’ tanume e lukarna. ⁹ Laa o lumenta’ mouw eng koba’ kasa ketare-tare wia si Yusuf, tou e Asaf: koba’ karua wia si Gedalya ampit se patuari-patuarina wo se oki-oki’na, mapulu’ o rua tou; ¹⁰ koba’ katelu wia si Zakur, se oki-oki’na wo se patuari-patuarina, mapulu’ o rua tou; ¹¹ koba’ kaepat wia si Yizri, se oki-oki’na wo se patuari-patuarina, mapulu’ o rua tou; ¹² koba’ kalima wia si Netanya, se oki-oki’na wo se patuari-patuarina, mapulu’ o rua tou; ¹³ koba’ kaenem wia si Bukia, se oki-oki’na wo se patuari-patuarina, mapulu’ o rua tou; ¹⁴ koba’ kapitu wia si Yesarela, se oki-oki’na wo se patuari-patuarina, mapulu’ o rua tou; ¹⁵ koba’ kauwalu wia si Yesaya, se oki-oki’na wo se patuari-patuarina, mapulu’ o rua tou; ¹⁶ koba’ kasiouw wia si Matanya, se oki-oki’na wo se patuari-patuarina, mapulu’ o rua tou; ¹⁷ koba’ kamapulu’ wia si Simei, se oki-oki’na wo se patuari-patuarina, mapulu’ o rua tou; ¹⁸ koba’ kamapulu’ o esa wia si Azareel, se oki-oki’na wo se patuari-patuarina, mapulu’ o rua tou; ¹⁹ koba’ kamapulu’ o rua wia si Hasabya, se oki-oki’na wo se patuari-patuarina, mapulu’ o rua tou; ²⁰ koba’ kamapulu’ o telu wia si Subael, se oki-oki’na wo se patuari-patuarina, mapulu’ o rua tou; ²¹ koba’ kamapulu’ o epat wia si Matica, se oki-oki’na wo se patuari-patuarina, mapulu’ o rua tou; ²² koba’ kamapulu’ o lima wia si Yeremot, se oki-oki’na wo se patuari-patuarina, mapulu’ o rua tou; ²³ koba’ kamapulu’ o enem wia si Hananya, se oki-oki’na wo se patuari-patuarina, mapulu’ o rua tou; ²⁴ koba’ kamapulu’ o pitu wia si Yosbekasa, se oki-oki’na wo se patuari-patuarina, mapulu’ o rua tou; ²⁵ koba’ kamapulu’ o uwalu wia si Hanani, se oki-oki’na wo se patuari-patuarina, mapulu’ o rua tou; ²⁶ koba’ ka mapulu’ o siouw wia si Maloti, se oki-oki’na wo se patuari-patuarina, mapulu’ o rua tou; ²⁷ koba’ karua nga pulu’ wia si Eliata, se oki-oki’na wo se patuari-patuarina, mapulu’ o rua tou; ²⁸ koba’ karua nga pulu’ o esa wia si Hotir, se oki-oki’na wo se patuari-patuarina, mapulu’ o rua tou; ²⁹ koba’ karua nga pulu’ o rua wia si Gidalti, se oki-oki’na wo se patuari-patuarina, mapulu’ o rua tou; ³⁰ koba’ karua nga pulu’ o telu wia si Mahaziot, se oki-oki’na wo se patuari-patuarina, mapulu’ o rua tou; ³¹ koba karua nga pulu’ o epat wia si Romamti-Ezer, se oki-oki’na wo se patuari-patuarina, mapulu’ o rua tou.