¹ i yi’i mouw e rewok-rewok ne oki-oki’ ni Harun. Oki-oki’ ni Harun nyi’a mouw si Nadab, Abihu, Eleazar wo si Itamar. ² Ta’an si Nadab wo si Abihu se minate rerior ta’an si ama’ nea ampit reiy’ minakapunyala oki’ tuama, takar se timiboiy en jabatan imam nyi’a mouw si Eleazar wo si Itamar. ³ Daud, mewali-wali si Zadok waki se bani Eleazar wo si Ahimelekh waki se bani Itamar, minemete-meteng nisea i ki’it en jabatan nea witu em patuana’ala e raghes. ⁴ Laa o kaloo’ala kaa waki elet ne see’ ni Eleazar se lebe laker kapala kaum ta’an se witu nelet ne see’ ni Itamar, kaa ni’itu se tou se minemete-meteng nisea tanu en tumodong: i wee se bani Eleazar se mapulu’ o enem tou kapala walak, ta’an i wee se bani Itamar se uwalu tou kapala walak. ⁵ Wo se tou se minemete-meteng nisea ampit limobo’ koba’ reiy’ ampit simiwola pemange’anan, karengan wawean se “ma’aka-aka – ma’aka-aka kudus” wo se “ma’aka-aka – ma’aka-aka ni Empung”, le’os witu nelet ne see’ ni Eleazar ka’apa tu’u witu nelet ne see’ ni Itamar. ⁶ Wo si Semaya bin Netaneel, panitra i ti’i, siesa tou Lewi, si minatik e ngaran nea witu en sinaru ni raja, witu en sinaru ne pemangko’-pemangko’, imam Zadok, Ahimelekh bin Abyatar wo witu en sinaru ne kapala-kapala walak em baya ne imam wo se tou Lewi; susur mekasa se esa walak edoni waki si Eleazar, wo en tuanakan kangkasi se esa walak waki si Itamar. ⁷ Koba’ kasa ketare-tare limenta’ wia si Yoyarib; eng karua wia si Yedaya; ⁸ eng katelu wia si Harim; eng kaepat wia si Seorim; ⁹ eng kalima wia si Malkia; eng kaenem wia si Miyamin; ¹⁰ eng kapitu wia si Hakos; eng kauwalu wia si Abia; ¹¹ eng kasiouw wia si Yesua; eng kamapulu’ wia si Sekhanya; ¹² eng kamapulu’ o esa wia si Elyasib; eng kamapulu’ o rua wia si Yakim; ¹³ eng kamapulu’ o telu wia si Hupa; eng kamapulu’ o epat wia si Yesebeab; ¹⁴ eng kamapulu’ o lima wia si Bilga; eng kamapulu’ o enem wia si Imer; ¹⁵ eng kamapulu’ o pitu wia si Hezir; eng kamapulu’ o uwalu wia si Hapizes; ¹⁶ eng kamapulu’ o siouw wia si Petahya; eng karua nga pulu’ wia si Yehezkel; ¹⁷ eng karua nga pulu’ o esa wia si Yakhin; eng karua nga pulu’ o rua wia si Gamul; ¹⁸ eng karua nga pulu’ o telu wia si Delaya; eng karua nga pulu’ o epat wia si Maazya. ¹⁹ Ni’itu mouw en jabatan nea witu meurusla e raghes nu reiy mouw sea nu ghumorem em bale ni TUHAN, minatoroan an mpit e natoran neiy i weela wia nisea ampit em pinaeletan ni Harun, ama’ ne opo’ nea, tanu neiy i perentala ni TUHAN, Empung Israel, wia nisea.

²⁰ Rewok timele’upe’ waki se bani Lewi, waki se oki-oki’ ni Amram nyi’a mouw si Subael, waki se oki-oki’ ni Subael nyi’a mouw si Yehdeya; ²¹ waki se oki-oki’ ni Rehabya nyi’a mouw si Yisia, siesa kapala; ²² waki se tou Yizhar nyi’a mouw si Selomot; waki se oki-oki’ ni Selomot nyi’a mouw si Yahat;