¹ Si Daud nu mina tu’a mouw wo umurouw, takar pinopona si Salomo minamuali raja witu se Israel. ² Sia si minerurla se reiy’ sa mina’asa pemangko witu Israel, o kangkasi em baya ne imam wo se tou-tou lewi. ³ Laa o rekenenouw se tou-tou Lewi, se makaumur telu nga pulu’ nge te’un o matas, wo eng kelaker ne tou-tou nea, rineken pinengesa-ngesa, se telu nga pulu’ o uwalu nga riwu tou. ⁴ “Waki se tou-tou i yi’i se rua nga pulu’ o epat nga riwu se lewo’ sa reiy’ mategha’la em pepa’ayangen witu em bale ni TUHAN; enem nga riwu tou se lewo’ sa reiy’ mamuali matu’utu-tu’utul wo akim; ⁵ epat nga riwu tou se minamuali menaang witu em pepalen leloangan; wo se epat nga riwu tou se minamuali lumelo’or si TUHAN ampit em pakakas-pakakas musik en siniwoku mola kaa laa mededoncila em puji-pujian,” em pokeiy ni Daud. ⁶ O kangkasi si Daud si minemete-meteng nisea witu e rewok i ki’it se oki-oki’ ni Lewi, nyi’a i yi’i si Gerson, Kehat wo si Merari. ⁷ Neiy i kaghorem tou eng Gerson nyi’a mouw si Ladan wo si Simei. ⁸ Se oki-oki’ ni Ladan nyi’a mouw si Yehiel, siesa kapala, ma’an si Zetam wo si Yoel, se telu tou. ⁹ Se oki-oki’ ni Simei nyi’a mouw si Selomit, Haziel wo si Haran, se telu tou; se tou-tou i yi’i mouw se minamuali kapala walak ni Ladan. ¹⁰ Se oki-oki’ ni Simei nyi’a mouw si Yahat, Ziza, Yeush wo si Beria; ni’itu mouw se oki-oki’ ni Simei, se epat tou. ¹¹ Yahat nyi’a mouw si kapala wo si Ziza sitou karua, ta’an si Yeush wo si Beria se reiy’ makapunya laker urang, takar nisea se tanula se esa walak ampit e nesa jabatan. ¹² Se oki-oki’ ni Kehat nyi’a mouw si Amram, Yizhar, Hebron wo si Uziel, se epat tou. ¹³ Se oki-oki’ ni Amram nyi’a mouw si Harun wo si Musa; Harun si tinu’udek kaa laa me’uru-urus sapa eng kasa kudus, sia wo se see’na i ka’ayo eng keure-urena, kaa laa matunu en tetule witu en sinaru ni TUHAN, kaa laa melayanla Nisia, kaa laa mawee berkat demi e ngaran-Na, i ka’ayo eng keure-urena. ¹⁴ Se oki-oki’ ni Musa, abdi ni Empung i ti’i, se neiy i wetengla wia se suku Lewi. ¹⁵ Se oki-oki ni Musa nyi’a mouw si Gersom wo si Eliezer. ¹⁶ Sioki ni Gersom nyi’a mouw, si Sebuel, siesa kapala. ¹⁷ Sioki’ ni Eliezer nyi’a mouw si Rehabya, siesa kapala; Eliezer si reiy’makapunya oki-oki’ walina, ta’an se oki-oki’ ni Rehabya se tuana eng ka’asa’an eng kelakerna. ¹⁸ Sioki’ ni Yizhar nyi’a mouw si Selomit, siesa kapala. ¹⁹ Seoki-oki ni Hebron nyi’a mouw si Yeria, siesa kapala, Amarya, sioki’ karua, Yahaziel sioki’ katelu wo si Yekameam, sioki’ kaepat. ²⁰ Se oki-oki’ ni Uziel nyi’a mouw si Mikha, siesa kapala, wo si Yisia, sioki’ karua. ²¹ Se oki-oki’ ni Merari nyi’a mouw si Mahli wo si Musi. Se oki-oki’ ni Mahli nyi’a mouw si Eleazar wo si Kish. ²² Katoroan si Eleazar nu mate, sia si reiy’ makapunya oki’ tuama, se oki’ i te wewene, o laa se oki-oki’ ni Kish, urang matuari nea, se minedo nisea minamuali tu’awene. ²³ Se oki-oki’ ni Musi nyi’a mouw si Mahli, Eder wo si Yeremot, se telu tou. ²⁴ Ni’itu mouw se bani Lewi i ki’it e walak nea, se kapala-kapala walak nea witu e nedo sea nu neiy i patik esa nga tou-esa nga tou minatoroan ampit em patotoran e ngaran nea, tou demi tou, si makaumur rua nga pulu’ nge te’un ka’apa lebe, nisea mouw se lewo’ sa reiy’ matuanala em pepa’ayangen i wee e raghes witu em bale ni TUHAN. ²⁵ Karengan si Daud si limila’ mola: “TUHAN, Empung Israel, si kimarunia mola eng ka’amanan wia se umat-Na, wo Nisia si mena’ waki Yerusalem i wee eng keure-urena. ²⁶ Ampit en tuana e reiy’ mouw perlu kasi se tou Lewi mopo em Bait Suci wo e reiy’ sa mina’asa pakakas em pepaken i wee e raghes witu.” – ²⁷ Karengan minatoroan ampit en titah ni Daud mamuri, nisea se neiy i daftarla waki se oki-oki’ ni Lewi nyi’a mouw se makaumur rua nga pulu’ nge te’un o matas. – ²⁸ “Lukar nea nyi’a mouw mesawang se oki-oki’ ni Harun kaa laa meurusla e raghes witu em bale ni TUHAN, mategha’la em pores, ruragh-ruragh wo em palenasan e reiy’ sa mina’asa barang kudus ma’an matuanala em pepa’ayangen minato’orongan ampit e raghes witu em bale ni Empung. ²⁹ O kangkasi nisea se lewo’ sa reiy’ sumadiala en sesakeiy wo en topong kasa le’os i wee en tetule sesakeiy, roti tari’ipis reiy’ siragi, sapa e rinarang witu natas rerarangan, sapa neiy i kekayo’ wo e reiy’ sa mina’asa sukatan wo e nukuran. ³⁰ Tumodongla nyi’a nisea se malukar mekantarla en syukur wo em puji-pujian i wee si TUHAN susur memo’odo, tuanakan kangkasi e nedo mawengindo ³¹ wo witu e nedo masempela e reiy’ sa mina’asa tetule tinunu wia si TUHAN, witu e nendo-nendo Sabat, sumedot-sumedot weru,wo e nendo-nendo wangko’, i ki’it eng kelakerna minatoroan ampit e natoran pepakene’ i wee nisea, tanume e lukar tataap witu en sinaru ni TUHAN. ³² Nisea se lewo’ sa reiy’ mapiarala en Dasing Pinasungkulan ma’an en tampa kudus wo se lewo’ sa reiy’ melayanla se oki-oki’ ni Harun, patuari-patuari nea, kaa laa mereraghesla witu em bale ni TUHAN.”