¹ Wo nyaku lumoho langit weru wo kaoatan weru. Ka langit wo kaoatan katare nyainong kaliong, wo tasik ndaaimong wia kahai. ² Wo nyaku lumoho kota kudus Yerusalem weru, timumpamei na langit, wia si Empung, wo niitu siniapou tanu si kimaweng makawewene si simundei leos wehe si raawuna. ³ Kalingaan kume makarei mei witu tahta maila, "Lohone, kemah ni Empung bitu nuner ne tou. Sia si mena witu nantara nea wo mamuali Empung nea. ⁴ Sia si rumaai luena beren witu beren nea wo patean ndaai mong wana kahai, ndaai mong wana kahai si pinatean name, kaapa mapendam sumakit ka nure tiin minangemong." ⁵ Sia si rimuhumun witu tahta tiin lumila, "Lohone, nyaku sumiwo wo pakasaan mamua liweru." Sia lumila kahai. "Patikako waya nyaai ka pengila-ngilaaku yaai, percayan niu ka nulit karengan." ⁶ Wo sia lumila wia nyaku, "Lekepou waya! Nyaku mong ku Alfa wo Omega, ku katare wo kamurian. Nyaku kumehe nu moonoi witu seitesiasi tou si mareo witu gaagaran dano katotouan wo pawehete taintu. ⁷ Nisia si minuntung si makaindo waris pakasaan nyai; Nyaku ku mamuali Empungena, wo sia mamuali oke iku. ⁸ Taan nisea se mainde, raai mapercaya, keji; memunu', tou-tou sundal, tukang sihir, masembah berhala, wo se kotowo, se makaindo wewetengan nea witu lautan malaya-layas om baha kaampit belerang. Nyaaimong patean karua. ⁹ wo, siesa witu se pitu malaikat si timimboi cawan wuta kaampit pitu bencana kamurian tiin minai wo lumila wia nyaku, "Maimong, nyaku kutumuru wia nikou si makakaweng makawewene, kaawu ni Oki Domba tiin." ¹⁰ Wo sia mali nyaku wiitu gorem roh, tumoro witu kuntung sela wo rakek. wo sia tumuruumei wia nyaku kota suci tiin Yerusalem timumpamei na langit, witu si Empung, ¹¹ mawuta-wuta kamuliaan ni Empung wo kumera kerap tanu permat mahal karenkan, tanu permata yaspis, terang tanu kristal. ¹² Kota tiin wewehan tembok sela worakek wo maplorua pepenet gerbang. Witu pepente-pepenet gerbang tiin wehan se maplorua malaikat wo ngaran nea nyai patik tu natasena seamong se maplorua suku israel. ¹³ Wewehan telu pepenet gerbang witu sablah sendangan, wo telu pepenet gerbang witu namian, wo telu pepenet gerbang witu tihimu, wo telu kahai pepenet gerbang tu talikuran. ¹⁴ tembok kota tiin wewehan maplorua batu pondasi wo witu natas pondasi tiin pinatika ngaran ne maplorua rasul-rasul Oki Domba. ¹⁵ Si malaikat masirita o nyaku si timimboi diki-diki pahukur mas tu siwon maukur kota tiin, pepenet-pepenet gerbangena wo tembok-ena. ¹⁶ Kota tiin siniwo segi epat, kalombotan wo kalemparan masuatete. Sia mukur kota tiin o diki-dikina, mapulu rua, ngariwu stadia, lambot, lempar wo karekekana masuat. ¹⁷ Wo sia mukur tembok kota tiin, maatus epat ngapulu epat hasta (1 hasta=0,5m) kumiit nukuran ne tou, masuat wo nukuran ne malaikat. ¹⁸ Tembok tiin, permata tu siwon, permata yaspis, wo kota tiin mas murni katerangana tanu kaca. ¹⁹ Pondasi tembok kota tiin witu pakasaan permata mahal watu pondasi katare niitu watu-watu yaspis, karua watu watu safir, katelu watu mirah, wo ka epat watu watu zamrud(ijo terang) ²⁰ watu kalima, watu unam (watu akik), kaenem watu sardis(permata raindang), kapitu watu ratna cempaka (warna mas), kauwalu watu beril (warna ijo pucat), kasiou watu krisolit (watu topas ijo kuniir), kapulu, watu krisopras (watu akik rua garis rempeng), ka ploesa watu lazuardi (permata biru muda langit), wo watu maplorua watu kecubung (permata ungu) ²¹ Mapulurua pepenet gerbang niitu mapulurua mutiara, pakasaan pepenet gerbang tiin siniwowaya tu mutiara, lalan kota tiin siniwo tu mas murni, katerang kaca. ²² Nyaku ku raai limoho bale Empung tu kota tiin kasi Empung, Empung maku asa karengan wo si Oki Domba tiinong siminamuali baleni empung kota tiin. ²³ Kota ndaai maperlu pe si endo kaapa serap, mateterang kota tiin, ka kamuliaan ni Empung timerangei kota tiin wo si Oki Domba si minamuali sosoloan. ²⁴ Se bangsa-bangsa se kumelang witu katerangan kota tiin wo se raja-raja kaoatan se mali kamuliaan nea witu gorem ena. ²⁵ Pepenet-pepenet gerbang ndaai pakusiin witu nendo, wo ndaai wana si wengi waname. ²⁶ Sea semali kamuliaan wo noormat bangsa-bangsa tunggorem kota tiin. ²⁷ Taan ndaai wana siesate si pailaan najis toro muntep witu kota tiin, kahai masiwo kakejian kaapa masiwo katowoan, taan wayate ngaran nea nyai patik witu buk katotouan Oki Domba.