¹ Wo, si malaikat tiin tumuruumei wia nyaku salu dano katotowan, terang tanu kristal masoosoomei na tahta ni Empung wosi Oki Domba ² witu nuner lalan kota tiin. Witu dua lilik salu matoumei kayu-kayu katotouan, mawua mapulu rua rupa-rupa mbua na womawe nua na susurserap. Lalai kayu tiin papakena maleos sebangsa-bangsa. ³ Ndaai mong wana kahai si kutuk, taan tahta ni Empung wo si Oki Domba, sea se witu gorem kota tiin. Hamba-hambana se sumembah nisia. ⁴ Nisea selumoho giona, wo ngaran-ena nya patik witu tuntung nea. ⁵ Bengi ndaai mong paloho-lohonako makar nisea raaimong mapanfung nterang sosoloan, kaapa siendo ka si Empung situmerang nisea, wo nisea se merenta makaure-ure ⁶ Malaikat tiin lumila wia nyaku, "Pakasaan pailayaai papercayan wo nulit, Empung si Empung ne roh nabi-nabi, rumeho se malaikat ena tumuru mako witu se hamba-hamba-Na, sasapa mai mamuali. ⁷ Lingane, Nyaku kumai! Kinamangou seidu malinga-linga pengila-ngila nubuat buk yaai. ⁸ Nyaku, Yohanes, si liminga wo limoho pakasaan yaai. Witu nyaku liminga wo limoho pakasaan nyai, nyaku kimundu, sumembah tu naeni malaikat, si timuru pakasaan nyai wia nyaku. ⁹ Taan, sia lumila wia nyaku, "Tia pasisiwon niitu! Nyaku ku hamba masuat tanu nikou, wo sepatuari-patuarimu se nabi-nabi, kaampit nisea se malinga-linga nyai lila wia buk yaai. Sumembah tu si Empung!" ¹⁰ Wo si malaikat tiin lumila wia nyaku, "Tia pasesegelen pengila-ngila nubuat tunggorem bukyaan ka nendona tawimong." ¹¹ Waya momako seto meniwo-niwo lewo setou raai suli, se tetapete raai suci, wo setou masiwo nulit, sea semasiwo kaulitan, wo se tou kudus sea se tetap makudus nawak nea." ¹² Lingane, Nyaku kumai! Wo Nyaku kumahalimei nupa ku, ka mawawaer tusetou kiit peniwo-niwon nea. ¹³ Nyaku ku Alfa wo Omega, si katare wo si kamurian, si kimatare wo si kalekepan. ¹⁴ Kamangenei nisea se kimemesou jubah nea, makar sea makataintu kayu katotouan tiin wo muntep witu kota tiin kumiit witu pepenet gerbang ena. ¹⁵ Se witu luarena kota seamong se asu-asu, tou masiwo sihir, tou-tou cabul, sememunu, semasembah berhal, wo setou-tou paar matowo. ¹⁶ Nyaku, Yesus, rimehomong si malaikat-Eku mai sumaksi wia nikau kumura pakasaan nyaai witu se jemaat-jemaat. Nyakumong ku suruna wo tarandak ni Daud, si tototiin witu sendangan materang leos." ¹⁷ Roh wo si kimaweng wewene tiin lumila, "Maimong!" Maanong setoumalilinga yaai lumila, "Maimong!" Maanong se tou simadia, mindomei hoano katotowan ndaai pawaeran. ¹⁸ Nyaku masaksi witu se pakasaan tou, se malinga paila nubuat bu nyai: "Sa wewehan se mawes sapa-sapa witu pengila-ngila yaai, si Empung si mawes wia nisia pakasaan bancana nyai patik wia buk yaai. ¹⁹ Wo, sawewehan si kumurangei sapa-sapa nyai paila wia nubuat yaai, si Empung si mindo wewetengan na witu kayu katotowan, witu kota kudus, wo witu pakasaan nyai patik wia buk yaai." ²⁰ Sia si si maksi kumura nyaai waya limila, "En, Nyaku kumai nulit! Maimong, Empung Yesus! ²¹ Anugerah Empung Yesus mawali nikau waya. Nulit