¹ Tumondongako niitu ku lomoho malaikat timumpamel na surga, mahali-ali kukusi jurang patean wo timimboi rante sela tu lawasena. ² wo sia timbpyana si naga tiin, si loloi tu'a, siamong si setang wo iblis wo waakesen sia witu kaurean sangariwu ngataun, ³ sia lahawa namako witu jurang patean, pempenena witu tu segelena mako rior sia raai mong maliliong lalan se bangsa-bangsa kahai, makar sanga riwu ngataun maapu. Tumoondong niitu, sia siweta witute ndaai ure. ⁴ Wo nyaku lumoho tahta-tahta wo witunatasena rinuhumunan ne tou-tou se winehan kuasa mahakim. Kalohoangku se mukur-mukur, se pinanggalan rookos ka kasaksian Yesus wo ka firman Empung, wo seraai masembah si tayapo tiin, kaapa patungena, wo raai timerima tanda tayapo tiin, witu tuihtung wo cawas nea. Sea se tumou sumaup, wo maperentah se bangsa-bangsa mawali-wali si Kristus, sangariwu ngataun. ⁵ Taan se tou-tou minate walina, seraai mong tumou sumaup, sa raaipe minaapu sangariwu ngataun, nyaaimong katotooran katare. ⁶ Kinamangou wo kudusou se tou-tou mina kaindo wewetengan witu katotooran katare tiin, witu se tou-tou tiin, patean karua ndaai wana si kuasa, taan nisea se mamuali imam-imam ni Empung wo Kristus, wo maparenta mawali wali nisia sangariwu ngata'un. ⁷ Saitu minaapu mong sangariwu ngata'un, si iblis si wetaa mong witu panjarana. ⁸ Sia simange, maliliong lalan se bangsa-bangsa witu nepat panjuru kaoatan, Gog wo si Magog (raja witu banua magog) wo merur nisea mako merang, kalakeran nea tanu resak witu tasik. ⁹ Sea se sumeretei witu katanaan, kumempung pahanaan ne tou-tou kudus wo kota paleo-leosen, taan baha tumumpamei na langit, rumengis nisea. ¹⁰ Wo si setang si limiong lalan nea, silahawa mako witu gorem baha malaya-layas kaampir belerang, witu sea se tayapo wo se nabi towo nyai lahawa. Nisea se siksan nendo om bengi makar kaure-ure. ¹¹ Tumondong niitu ku lumoho tahta puti' sela, wo nisia si rimuhumun tu natasena, wo witu sinaru na katanaan wp langitu nyainong kaliong, wo ndaai mong kanaindoan kahai, tampa wehan nisea. ¹² Wo ku lumoho setou-tou minate, sela wo oki, se timoor tu sinaru tahta tiin. Wo tu wukaanei buk-buk kaampir nesa buk walina, niitumong buk katotouan, wo se tou-tou minate tiin sehakimen kumiit sapa nyai patik witu buk-buk tiin, kiit peniwo-niwoan nea. ¹³ Tasik malimei se tou-tou minate witu gorem-ena, patean wo Hades kahai sumerakanei se tou-tou minate witu gorem-ena so sea hakimen, siesawo siesa se hakimen kiit peniwo-niwo nea. ¹⁴ Wo patean kaampit Hades lahawa mako witu baha. nyaai mong patean karua lautan baha. ¹⁵ Sawewehan si tou, ngaran na ndaai nyai patik witu buk katotouan, sia silahawa mako witu lautan baha tiin.