¹ Tumondong niitu, kuluminga mailaamei rekei karengan tanu paharuan ne tou laker na surga, si mailaamei, "Haleluya kalempotan, kamuliaan, wo kakuasaan niitu taintuni Empung ² ka pahakiman na nulit wo adil, kasia si minadilou se lonte sela tiin, si melewo kaoatan, ong kasundalan na wo si minaerou daha ne hamba-hamba-Na witu si sundal tiin." ³ Witu karuana, sea lumila, "Haleluya, nahawun ni sundal tiin si meretou makar kaure-ure." ⁴ Wo se rua ngapulu epat tua-tu wo se epat makhluk tiin kimundu masembh si Empung, si rimuhun witu tahta, kaampit lumila, "Nulit!* Haleluya!" ⁵ wo kalingaan ne mailaamei witu tahta, "Looren si Empung eta ei kau waya si maselewir nisia, leos se oki kaapa se sela se maormat nisia. ⁶ Wo lingangakume suara tanu sangaerurse tou laker tanu mokan soosoan sela, wo tanu lengkuuna nerut rim ber karengan, wo mailaamei, "Haleluya! Ka si Empung eta si makuasa karengan maperentah. ⁷ Maimong kita mapela-pela, wo mapaa-paar wo mehe kamuliaan wia nisia, ka nendo paka kawenganni oki Domba mbia mong, wo si makawewene si maanaamong. ⁸ Wia nisia si wi nehanong roko' lenen nalus karengan weresih wo geleos karengan. Papapaken ka roko' lenen tiin niitu peniwo-niwon kau litan si niwo ne tou-tou kudus." ⁹ Wo si malaikat lumila wia nyaku, "Patikako nyaai: 'Kamangenei setou ni undang witu partamuan kaweng Oki Domba!" Sia lumila kahai wia nyaku, "Nyai waya nulit pailaamei ni Empung." ¹⁰ Wo ku kumundu witu nae ni malaikat tiin, masesembah nisia. Taah sia lumila wia nyaku, "Tia pasiwon niitu ka nyaku kahai ku hamba tanu nikou, wo se patuari patuari mu. Se timimnoi kasaksian yesus, sumembah si Empung ka kasaksiaan ni Yesus niitu roh nubuat." ¹¹ Wo kalohoan kume surga minawuka sia mondolei si kuda puti', si rimuhun witu natasena maka ngaran malinga linga wo nulit, wo witu kaulitansia mahakim wo maperang. ¹² Beren-ena tanu layasena baha, tu rookosena laker mahkota wo sia si wewehan ngaran nyai patik, wo raai kailekan ne pakasaan tou, wayate nawakena sandiri. ¹³ Sia si limambung jubah nyai susuw witu ndaha wo ngaran na niitu mong firman ni Empung. ¹⁴ Pakasaan se pasukan na surga maakit nisia, se simake waya witu si kuda puti', wo limambung lenen nalus puti' wo weresih. ¹⁵ Witu sumana, mondolei nesa sambel tarem papapaken meewel se bangsa-bangsa. Sia si merenatan nisea kaampit diki-diki besi, sia si mako meemes nanggor witu watu kilangan, niitu mong kaupian ni Empung si makuasa karengan. ¹⁶ Witu jubah kaampit paana pinatikan ngaran: RAJA TU NATAS PAKASAAN SE RAJA, WO TUHAN TUNATAS PAKASAAN TUAN. ¹⁷ Wo kalohoan kume si esa malaikat, timoor witu si endo. Sia si mailaamei rekei karengan, witu pakasaan se burung, matelew na langit, "Mai merur, kumiit witu perjamuan kuman o si Empung, ¹⁸ rior kau kuman leona ne raja raja, leona ne panglima, leona ne tou-tou ente, leona ne kuda-kuda wo nisea se simake wia nisea. Wo leona ne tou-tou, leos se tou-tou bebas kaapa se tou merdeka, tou oki kaapa tou sela. ¹⁹ Wo kulumohome si tayapo tiin wo se raja-raja kaoatan kaampit se pasukan nea minerur mapeperang masaru nisia simake witu si kuda puti' tiin, wo sumaru se paseukan ena. ²⁰ wo sia katimboyan si tayapo tiin, kaampir senabi towo na, se simiwomong tanda-tanda makaerangen tusinaru ni tayapo tiin wo kaampit nisia si limiongou nisea, se timerima tandani tayapo tiin masembah si patongena. Sea waya se lahawa mako matou-tou witu lautan baha melaya-layas o belerang. ²¹ Wo se telaau se winung o sambel minon dolei witu suma na si rimuhumun nitu natas kuda puti' wo pakasaan se burung sewinesu o leona nea