¹ Maapu mako pakasaan nyaa, wokulumoho malaikat walina tumumpamei na surga, sia siwinehanei kuasa sela, wo kaoatan tinerangei o kamuliaan nea. ² Saa si mkilaamei rekei karengan, lila'ana: "Rombe! nyainong karombe Babel wangko tiin! Sia si minamualimong tampa ne setang wo bui ne roh najis, sala ne burung-burung najis wo sekaseso. ³ Ka pakasaan bangsa se tinelewmong nanggor, kapaaran sinah nea, wo-raja raja kaoatan sesimiwong zina o nisia, wo se blante-blante wia kaoatan minakayamong o hana nafsu nea sela." ⁴ wo kaliangaangku suara walina na surga mailaamei, "Ei umate-Ku, rumoou mei witu ni sia, rior kau raai kalibat witu dosa na, wo raai tumerima bencana mai tumawuan nisia. ⁵ ka dosa-dosa nea timumpukou makar na cangir wo si Empung si gimenangou pelangkoi-langkoyen nea. ⁶ Siwonako kota tiin masuat tanu sini wona, waeran akosia makarua lumepet tu natas peniwo-niwon nea, wo nitu cawan papakena masembor, semborenako niitu makarua lumepet. ⁷ Kalakeran sia mamulia wo mawehe kamewahan tunawakena sandiri, wahenako sia siksaan wo pinatean kalakeran niitu. Ka ni sia si maila tunggorem natena, 'Nyaku rumunumun tanu si ratu, nyaku ku raai janda wo kuraai maloho-loho mako pinatean.' ⁸ Niitu mong, witu sangaendo te, bencana-bencana mai tu nisia nutumong npinatean, minate, wo nahareman sia si tunun om baha ka si Emopung, si minahakim nisia tiin si makuasa" ⁹ Raja-raja wia kaoatan, si mina bersinamong wo matou-tou o kamewahan mawali-wali nisia, se mame wo maarip witu kaloloho nea nahawun baha patunu, ¹⁰ tumoor roou-roou ka mainde witu siksaan , wo mahame, "Silaka! Silakamong, kota sela, Babel kota ente tiin! Ka witu sanga jam ete pahakiman nu minaimong!" ¹¹ Sememangker-memangker wia kaoatan semamewaya wo maarip ka kota tiin, ka ndaai si esa tou si tumeles pawangkernea. ¹² niitu pawangker nea, mas, perak, permata, mutiara, roko' linen nalus, roko' sutra, roko' kirmisi wo minalaelaengan barang witu kayu o siwon, tambaga, wesi, wo marmer. ¹³ kayu manis, wawehe, lana wangi, mur, kamania, nanggor, lana, topong, gandum, sapi, domba, kuda, kareta, budak, makar se tou. ¹⁴ Nisea se lumila, "Mbu'ana kapaar ni mukur'emu nyainong kaliong wia nikou, pakasaan mewa wo galeos, nyai nong kaliong wia nikou, wo ndaai mong kaindoanu sumaup. ¹⁵ Se memangker barang-barang tiin se minamuali kaya ka kota tiin, se tumoor rumou-roou kase mainde tu siksa pendamen kota tiin, kaampir mahame no maarip. ¹⁶ Sea se lumila, Silaka, minasi lakamong kota wanako tii, si limampung lenen halus, limambung roko' ungu, wo roko' kirmisi, pinerong mas, batu permata wo mutiara!" ¹⁷ Ka witu te sanga jam ete, pakasaan kakayaan tiin minaapu!" Pakasaan se kapten kapal, se tou simeret, se tou kapal, wo pakasaan se tou masero patiti koiton, witu tasik se tumoor rumoou-roou, ¹⁸ wo sea lumilaamei, kaloloho nea nahawun parengisen kota tiin, "kota de wisa tanu kota wangko tiin?" ¹⁹ Nisea se sumera mako nawu witu rookos-rookos nea wo maila kaampit mahame wo maarid, sea lumila, "Silaka! Minasi lakamong kota wangko tiin, ka witu mong nisia pakasa se makataintu kapal witu tasik, se minakaya ka kalimpahanena! Ka witute sanga jam, simiwo mong kota tiin mamuali pene wo sunyi!" ²⁰ Mapela pelaamong tunatasena, ei surga, ei kau tou-tou kudus, rasul-rasul, wo nabi-nabi, kasi Empung nimawu momei hukuman tu natas kota wia nikou. ²¹ Wo siesa malaikat ente mangkatei nesa watu kaselaanna tanu watu pakilangan, tu cahawa name na tasik kaampit lumila, "Tanu niitu Babel, kota wangko tiin si nawu wo si raaimong paloho-lohon ako kalaai. ²² Suara ne maleong kacapi, masengo ploit, masengo trompet, wo musik walina, ndaai mong palinga linganako wia gorem emu, ndaai wana si memahat sitoro sumiwo karajinan, kaindoan tunggorem-emu, lengkuuna magiling kahailingan tunggorem-emu. ²³ Terangena soloan ndaai mong kahai tumerang tunggorem-emu. Suara ni predegom wo si broit ndaai mong kalingaan tunggorem-emu, kase memangker-memangker-emu sea se tou-tou wangko wia kaoatan. ka sepakasaan bangsa se nyai nong liong lalan ka sihir-emu. ²⁴ Wo witu gorem kota tiin kinaindoaai ndaha-daha ne nabi-nabi, tou-tou kudus, wo ndaha ne tou winunu wia kaoatan."