¹ Untuke kemerdekaan, Kristus nombebasa'ome li'ite. Lantarane injo, uiga'a mopo'olo ma inyaangome seilu no popo'oni kangkai kuk nogaade budak. ² Pe'ilongoa'a! Lia'ei, Paulus, momeilua'e kangkai li'eme pa onjo notarimamia suna, Kristus labai adaanga ogunanye antage'oe. ³ Seinsangopa, lia'e momeilua'e kangkai tugalu sotoo sanu monarima suna liio haruse nopogutunye jojoo Hukum Taurat. ⁴ Onjo mongusaha li'eme untuke no'onoa'e kangkai monjalana'e Hukum Taurat, tutuhuangoome tinania'ome la'e Kristus ma li'eme nolinjo'ime anugrah. ⁵ La'emae Roh, kangkai iman, li'ite meda-daange moranua'e no po'o o'no. ⁶ Saba'e, lilalong Yesus Kristus, sinuna atau labai sinuna labai adaanga antu'onye. Boi iman sanu mokaraja la'emae sayange sanu adaange antu'onye. ⁷ Li'oe netaimbulanome antage paila'e. oiga sanu mongambote li'oe la'e monuute sanu paila'e? ⁸ Pomeihuane injoo'e labai nodua'e la'emae Liio sanu noleba li'oe. ⁹ "Dedee'i ragi mogutume adonan memangka'e." ¹⁰ Lia'e adaange keyakinan antage li'eme li lalongu Siopu onjo li'eme labai monarima pikirane sanu tantani. Tapi, igaungopa sanu mongacaukane li'eme monanggunge hukumanonye. ¹¹ Jadi So-soungaange, onjo lia'e ulenge mobambala'e suna, inoga lia'e ulenge no aniaya? Onjo a'aiyo'e, polu posangkilange antage salip inalisa'ome. ¹² Lia'e moranua'e jimo sanu mohasete li'oe injoo'e mokabiri ambo-ambo'onye. ¹³ So-soungaange, li'eme ilebaangome untuke mebali merdeka. Tapi, kemerdeka'anoome jnoo'e inyaa nogunakane untuke kesempatan tumuhu lilalongu daging. tapi layania sotoo kangkai taninye kangkai sayange. ¹⁴ Saba'e, jojoma'e Hukum Taurat ginana'angome lilalongu sounge Gombo'e injeine, "Asayania sipapada li'eme manusia a'aime ambo-ambo'oome." ¹⁵ Onjo li'ema menge i'igane ma mongonyop, pongo nja-njagaia ba li'eme inyaa menge binasaane. Eseseilunu Roh Meva-evane kangkai Nafsu nubatangan ¹⁶ Jadi, lia'e momeilua'e, tumuhume lilalongu Roh, bala li'eme labai mongogutu so'al-so'ale sanu no'eseilua'u nafsu nu batangan. ¹⁷ e'seilunu nafsu nu batangan meeva-evaane kangkai e'seilunu Roh, ma e'seilunu Roh meeva-evaane kangkai e'seilunu batangan, pa do-doluonye sipada meeva-evaane, bala li'eme labai mongogutu so'al-so'ale sanu no e'seilua'omie. ¹⁸ Tapi, onjo li'eme nopimpinnu Roh, li'eme labai adaange liyangkopu Hukum Taurat. ¹⁹ pokarajanu nafsu nu batangane nanyatame, injooume dosa me'eseiluane, melehu, hawa nafsu, ²⁰ monyomba berhala, kuasa sanu moonope, kebenciane, mongeva, nyaa meelat, nasu labai ataanange, kepentinganu ambo-ambo'e, mesansalaane, meantaane, ²¹ mogilang, mamabo, rameane giombang, ma bagianaonye. Sekarange Lia'e mopaingate li'eme, aime sanu pina'ingata'o'e luulumae, oiga sanu mogutu so'al-so'ale injoo'e labai mowarisi Kerajaanu Allah. ²² Tapi, huanu Roh masayang, meege, damai sejahtra, masabar, masanange nyaa, paila'e, mesetia, ²³ mooluse, ma penguasa'ane ambo'ambo'e. Labai o'hukum sanu mongeva so'ale injeine. ²⁴ Jimo sanu nebali Yesus Kristus togunye nonyalipa'ome napsu nu batanganonye kangkai bagiana'u ma nafsu e'selunye. ²⁵ Onjo li'ita tumuhu la'e Roh, ambo'onya li'ite melampa tuturu'e kangkai Roh. ²⁶ Inyaa li'ite mebali mosombong, atau meelate nyaa.