¹ Hey so-soungang, onjo adaanga too sanu nodua'e mogutu sounge pelanggarane, li'eme sanu rohani haruse no paasadar too aime injoo'e kangkai roh sanu mooluse. Pongonja-njagai bala ambo-ambo'omie inyange tetuute nogoda. ² Penge totolonang lilalongu monangunge beban bala notaatimia hukum Kristus. ³ Onjo adaanga too sanu monganggape ambo-ambo'onye penting, pahala labai a'aiyo'e, io monipu ambo-ambo'onye. ⁴ Ambo'onya tunggalu too monguji pepeihu'onye ambo-ambo'e. Mopuse injoo'e, io mebali mabangga monyilige ke'adaanonye ambo-ambo'e injopa labai lantarane moposelio kangkai too taninye. ⁵ Lantarane, tunggalu too haruse monanggunge o'niongonye ambo-ambo'e. Tetape Pogutu So'ale sanu Paila'e ⁶ Oiga sanu ma'agaade pongunde la'e Gombo'u Allah harusonye io motilala'e jojoo so'ale sanu paila'e injoo'e kangkai too sanu mongundea'e. ⁷ Inyaa notipu. Allah labai mebali no pogisina'e lantarane too monarima nuga sanu nopogutunye. ⁸ Too sanu momula la'e eseseilinu batangan ma'agaade sanu majaa'e la'e batanganonye. Tapi, too sanu momula la'e Roh monarima tutuhuange sanu seende-endenye la'e Roh. ⁹ Inyaa li'ita mabeli molungkeng mogutu paila'e. onjo modua'oma watunye, li'ite monarima asalonye li'ite labai menyerah. ¹⁰ Lantarane injo, onjo ma'agaade kesempatana li'ite, maime li'ite mogutu paila'e kangkai jojoo too, kususe kangkai soungange lilalongu iman. paulus Nongopusa'e Tuladonye ¹¹ Siligoma'a e'giombangu hurup-hurupe sanu tinuliso'e untuke li'eme la'e umbungu ambo-ambo'o'e. ¹² Jimo samu malani mopo'itaa'e apaila'e la'emae so'al-so'ale sanu la'e batangane momaksa'oe untuke nosuna. jimo mogutu so'ale injoo'e bala labai no aniaya untuke salip Kristus. ¹³ Jimo sanu sinuna teule labai mesetia kangkai Hukum Taurat, tapi jimo malani li'eme nosuna bala jimo masombong la'emae ponyuna'oe. ¹⁴ Muda-mudahan lia'e labai masombong kecuali lilalong salippu Siopute, Yesus Kistus. La'emae salippo-Nye, jiniaa sinalipome untuke lia'e, ma lia'e untuke juniaa. ¹⁵ Nosuna atau labai nosuna nuga antu'onye. sanu pentinge mabali pogutu bou. ¹⁶ Antage jojoo too sanu nolampaa'e aturane injeine, tubayama'a damai sejahtra ma rahmat menyau antage jimo ma antage Israel Allah togunye. ¹⁷ Pongopusonye, inyaa o'too sanu mo posulite lia'e mongkoni tanda-tandani Yesus lilalongu batangano'e. ¹⁸ So-soungange, ambo'onya anugrah nu Siopu Yesus Kristus adaange kangkai Rohme. Amin.