¹ Maksuto'e, e'endenye ahli warise injoo'e ulenge unga-unga, io labai adaya kangkai budak sabii bagiana'onye. ² Io adaange li yangkopu kuasa pengawas ma topo nguruse lalapian dua'e watu sanu tinantua'ome la'emae siamanye. ³ Aio'e teule li'ite, watu ulenge unga, li'ite nopogutu budak la'e roh-roh nu juniaine. ⁴ Tapi, watu eleo pongana'e modua'e, Allah mejai Unga-Nye, sanu pineguunga'e la'e sotoo bengkel ma pineguunga li yangkopu Hukum Taurat, ⁵ untuke monebuuse jimo sanuadaange li yangkopu Hukum Taurat bala li'ite ma'agaade monarima pongengkate antage unga-unga-Nye. ⁶ Lantarane li'eme nu unga-unga-Nye, Allah nejaimaime Roh nu Unga-Nye lalongoma'enu nyaate, sanu moleba, "Abba, Siama." ⁷ Jadi, li'eme laume budak, tapi unga. onjo nu unga li'eme, Nopobalinu Allah nu ahli waris la'emae Kristus. Inyaangomoe Noperbudakku Roh-Roh nu Juniaa ⁸ Luulu, watu li'eme labai mo'ootoi Allah, li'eme nu budak la'e so'al-so'ale sanu dasaronye labai Allah. ⁹ Boi, sokarange, laemae li'eme mo'ootoi Allah atau moupongonye nootoinu Allah, gauga li'eme mombali'omoe babalii antage roh-roh nu juniaa sanu molungkenge ma labai oguna? Biasa li'eme malani noperbudake babalii? ¹⁰ Li'eme monjalana'e porameane ele-eleo, hulang-hulange, musim-musim, ma tounge-toung! ¹¹ Lia'e mohule ma'inyanga ongkolo'e sanu pinogutu'ume untuke li'oe mebali labai ogunanye. ¹² Upomongi kangkai'eme, So-soungaange, pebali aime lia'e lantarane lia'e teule nebalime selilio li'eme. li'eme labai asala kangkaia'e. ¹³ Notoimia, ule pamulanye lia'e nobambala'e Injil kangkai li'eme lantarane mepeese batangane irasaango'e. ¹⁴ Sabii kondisinu batangano'e ubiane antageo'e, labai no tagoroome atau notolakooma lia'e. Sebalikonye, li'eme monyambute lia'e aime malaikattu Allah, seliliome ambo-ambo'o'eine Yesus Kristus! ¹⁵ Gauga antage berkat sanu irasaangome injoo'e a'alaine? Saba'onye, lia'e mebali sabi tentaange li'eme luulumae, onjo tutuu, monyuite mataame ma mombeea'e kangkaia'e teule rele'oe. ¹⁶ Baiboi a'alaine lia'e mebali musu'oome lantarane mopo'itaa'e sanu tutuu kangkai'oe? ¹⁷ Too-too injoo'e mogusaha mo pa'agaade'oe, tapi labai kangkai tujuane sanu paila. Jimo malani mopa'agaale li'oe kangkai harapane li'oe mongintuge jimo. ¹⁸ Tutuu paila'a onjo kalepu mesemangate mogutu so'al-so'ale sanu tujuanonye paila'e, ma labai boi watu lia'e kangkai'oe. ¹⁹ Unga-unga'e, lantarane li'eme, lia'e merela babali seinsange monanggunge mepeese meguunga dudua'e Kristus nopa'anyata lilalongomie. ²⁰ Lia'e mebali kangkai'eme sekarange ma mombali'e nada nu suara'e lantarane lia'e no'oopusange akal nonoloi li'eme. Hagar mai Sara Nebali Contoh ²¹ Peilua'e kangkaia'e, hey li'eme sanu malani tumuhu liyangkopu Hukum Taurat, bai lauje notiina'omia Hukum Taurat? ²² Pa adaanga tutulise, Abraham adaange unga langkai doluo; sounge nembua la'e sotoo budake bengkel, injopa sanu sotoonyomoe la'e sotoo bengkele merdeka. ²³ Tapi, unga la'e budake bengkele injoo'e mbinu'aa'e monuru'e daging, sedangkane unga sanu la'e bengkele merdeka mbinu'aa'e la'emae pejanjianang. ²⁴ Siliga kisa'e injeine nebali lambang lantarane doluo bengkele injeine nolambana'e doluo pejanjianange. sounge nu pejanjianange la'e Huyulu Sinai ma nembuaa'e unga-unga perbudakan. Liio oi Hagar. ²⁵ Sekarangei, Hagar nolambana'e Huyulu Sinai li petunu Arap, selilio aime Yerusalem a'alaine lantaraneio tunuhu lilalongu perbudakan singkaiane unga-unganye. ²⁶ Tapi, Yerusalem sanu li tuhunye. injoo'ume bengkele sanu merdeka, ma liiome siinate. ²⁷ Lantarane adaange tutulis, "Pengeegema, hey bengkel sanu malaong, sanu labai meguunga. peloloa ma pa'adandalan, hey li'oe sanu labai morasai mepeese meguunga. Pa, mogootonya unga la'e bengkele sanu sotoo injopa bengkele sanu adaange lapi." ²⁸ So-soungange, li'oe nu unga-unga pejanjianng aimei Ishak. ²⁹ Watu injoo'e, unga sanu nembua monuru'e daging monganiaya unga sanu nembua monuru'e Roh, aime sanu nebai sekarangeine. ³⁰ Tapi, nuga sanu pineilunu Kitap Suci? "Taimbula budake bengkel injoo'e kangkai unganye pa unganu budake bengkel injoo'e labai mebali topowaris mangkai unga nu bengkel sanu merdeka." ³¹ Lantarane injo, So-soungaange, li'ite labai unga-unga la'e budakku bengkel, tapi la'e bengkel sanu merdeka.