¹ Hey li'eme, too-too nu Galatia sanu modoyo! Iga sanu nogutu li'eme terpesona? lauje li tolonu mataamei Yesus Kristus inito sinalipa'e li tolonu too goote? ² sounga sanu malani upo'utanyai kangkai'eme, biasa li'eme nonarima Roh lantarane monuru'e Hukum Taurat, atau lantarane moniinge kangkai iman? ³ Aiyo'a o'dodoyomie? li'eme nompamula la'emae Roh, bai nopongopusime'e la'emae ese-seilumie? ⁴ Labai ogunanya li'eme menderita penderitaane sanu aiyo'e ogotonye onjo tutuu aiyo'e labai ogunanye? ⁵ Jadi, bai boi nombeea'e Roh Io kangkai'eme ma nongajara'e mujisat li ta-tangamie lantarane li'eme monjalana'e Hukum Taurat, atau li'eme mo'olongo la'emae iman? ⁶ Selilioi Abraham sanu maparacaya kangkai Allah injoma so'ale injoo'e irekenge kangkaiio antage sanu tutuu. ⁷ Lantarane injo, ambo'onya notoima onjo too-too sanu mengeimana sanu notope unga-ungani Abraham. ⁸ Kitap Suci, sanu mo'ootoime luulu onjo Allah mopo o'ono too-too labai nu Yahudi lantarane iman, nete'aluulu nomeilua'e Injil kangkai Abraham kangkai negombo'e, "Jojoo bangsa no berkati la'emae li'oe." ⁹ Jadi, jimo sanu meimane noberkati kangkai Abraham, too maparacaya injoo'e. ¹⁰ Jojoo too sanu ntumoena'e antage pokarajaanggu Hukum Taurat adaange li yangkopu kutuk, sabaonye adaange tutulis: "Terkutuka tunggalu too sanu labai monuru'e antage bagiana'onye sanu tutulise lilalongu Hukum Taurat ma nopogutunye." ¹¹ Jadi, jelaasoma sekarange onjo labai adaange sabii sotoo sanu nopo o'ono li tolonu Allah la'emae Hukum Taurat, saba'e "Too mo'ono tumuhu la'emae iman". ¹² Tapi, Hukum Taurat labai nodasari antage iman. Tapi, "too sanu mogutu Hukum Taurat tumuhu la'emaeo'e". ¹³ Kristus nonebuse li'ite la'e kutuk Hukun Taurat kangkai mebali kutuk antage li'ite, pa adaanga tutulise, "Terkutuka too sanu ntinoenge antage ayu salip!" ¹⁴ Kangkai adaanga lilalongi Yesus Kristus, berkat Abraham manodua'e kangkai too-too labai nu Yahudi injoma kangkai iman li'ite nonarima Roh sanu jinanjia'ome injoo'e. Janjinu Allah ma Hukum Taurat ¹⁵ So-soungaange, lia'e mombeea'e contoh la'e tutuhuange seleo-seleo: onjo pejanjianange tinarimame, sabii kontrake antara manusia, laume adaanga too sanu magade mombatala'e atau moniange bainuga lilalongu pejenjianange injoo'e. ¹⁶ Sekarangeine, tentange pejenjianange sanu pino'odua'u Allah kangkai Abraham ma kangkai keturunanonye. Allah labai negombo'e, "antage keturunan-keturunanonye," sanu monujua'e antage goote turunan, "injopa antage keturunanoome," antu'onye monuju antage sotoo, injoo'umei Kritus. ¹⁷ Maksuto'e, Hukum Taurat sanu nomuncule 430 toung watu injoo'e labai magaade mombatala'e pejanjianange sanu tinarimame la'emae Allah. jadi labai mebali noalisa'e. ¹⁸ Onjo bai warisan nodasara'e antage Hukum Taurat, injoma warisane injoo'e laume nodasara'e antage pejenjianange. Tapi, Allah nombeea'e antagei Abraham la'emae sounge pejenjianange. ¹⁹ Jadi, inoga adaange Hukum Taurat? Hukum Taurat bineea'e lantarane ponya-nyampange, dudua'e dua'e keturunane injoo'e modua'e aime sanu pejanjianange injoo'e pinogutu. Hukum Taurat pinogutumaime nu malaikat kangkai perantara. ²⁰ Boi, perantara labai untuke mowakili sotoo, padahala Allah boi soung. Tujuanu Hukum Taurat ²¹ Onjo aiyo'e, biasa Hukum Taurat meva-evane kangkai pejanjianangu Allah? Labai aiyo'e! Saba'e, onjo Hukum Taurat bineea'e untuke mombee tumuhu, sanu tutuunye tantu asalonye la'e Hukum Taurat. ²² Tapi, Kitap Suci nomagurua'ome bagiana'onye ma jojoo too o'dosa bala pejanjianange la'emae iman lilalongu Kristus Yesus mebali nobeea'e kangkai jimo sanu momaracaya. ²³ Laupe nodua'a iman, li'ite tinaanage liangkopu Hukum Taurat, tinaanange dua'e iman sanu pineilua'ome modua'e. ²⁴ Lantarane aio'e, Hukum Taurat nebali pengawas antage li'ite dua'e Kristus modua'e bala li'ite no po'o'ono la'emae iman. ²⁵ Sekarange, iman injoo'e nodua'ome. li'ite laume bai momarluua'e Hukum Taurat mebali pengawase li'ite. ²⁶ Lilalong Yesus Kristus, li'eme jojoo nu unga-unganu Allah la'emae iman. ²⁷ Li'eme jojoo sanu binaptisome lilalongu Kristus nomakeme Kristus. ²⁸ Laume adaanga too nu Yahudi atau too nu Yunani, budake atau too merdeka, langkai atau bengkel pali'eme jojoo sounge lilalongu Yesus Kristus. ²⁹ Onjo li'eme Kristus togunye, li'emime keturunan-keturunani Abraham ma pewaris sesuai kangkai pejanjianange.