¹ O'sompuluma apa touna'onye, lia'e nongulele babalii kotamae nu Yerusalem kangkai Barnabas ma nongkoni oi Titus kangkaia'e. ² Lia'e nelampa lantarane momeilua'e ma untuke monjelaasa'e kangkai jimo tentange Injil sanu binambala'o'e li tatanganu too-too labai nu Yahudi. Boi lia'e nogutu aiyo'e lilalong pedudua'anange pribadi, injoo'e boi kangkai jimo sanu o'pengaru untuke momastikane onjon nuga sanu kinaraja'e labai sia-sia. ³ Injopai, Titus sanu kangkaia'e, labai haruse nosuna sabii io too nu Yahudi. ⁴ So'ale injeine nebali lantarane adaange soungaange pura-pura monuute Kristus sanu mensio'e sosoyo'e ma momamatai kebebasane sanu adaange kangkai'ite lilalong Yesus Kristus bala li'ite no'oni babalii antage perbudakan. ⁵ Tapi, labai seilumama monuru'e kangkai jimo sabii timoloose bala kebenaranu Injil tetape momoiya lilalongomie. ⁶ Boi, la'emae too-too sanu o'pengaruh injoo'e, sanu podudungko'onye labai penting antage lia'e lantarane Allah labai montan-ntania'e, jimo labai noniana'e bainugaunge antage lia'e. ⁷ Tapi, jimo ne'e ito onjo Injil pinaracayaa'ome kangkaia'e untue too-too sanu labai sinuna, selilioi Injil sanu pinaracaya'ome kangkai Petrus untuke too-too sanu sinuna. ⁸ Saba'onye, Io sanu nokarajaame la'emaei Petrus untuke mebali rasul antage too-too labai nu Yahudi. ⁹ Noopusei Yakobus, Petrus, mai Yohanes, sanu nopandange aime elii nu guru antage jemaat monyadari anugrah sanu bineea'e kangkaia'e, jimo nombeea'e umbunge moanong pelinsonange kangkai Barnabas ma kangkaia'e bala lia'me ma'o kangkai too-too labai nu Yahudi, sedangkane jimo na'o kangkai too-too sinuna. ¹⁰ Jimo boi nomongi li'ame untuke molambote kangkai too-too mosusa, sounga so'al sanu me'esemangate lia'e mogutu. Paulus Nopo'itaa'e Asasalani Petrus ¹¹ Tapi, watui Kefas nodua'e kotama'e nu Antiokia, lia'e tu-tutuu mongevaio lantarane mejelase tutuu io asala. ¹² Lantarane la'e luulu too-too tantu la'e kalangani Yakobus nodua'e, Kefas mebalime u'minange kangkai too-too labai nu Yahudi. Boi, watu jimo nodua'e, liio nompamulame mongundure ma io tumania'e lantarane mohule kangkai kolompoku too sanu sinuna. ¹³ Too-too nu Yahudi taninye bertindake munafike teule kangkaiio, mai Barnaba teule ininonye lantarane o'munafiku jimo. ¹⁴ Watu lia'e ne'e ito onjo jimo bertindake labai sanjalange antage Injil sanu ntutuu, injoma lia'e negombo'e kangkai Kefas li tolonu jojoo too, "Onjo li'oe too nu Yahudi tumuhu aime labai too nu Yahudi, jegauga li'oe momaksa too labai nu Yahudi untuke tumuhu aime too nu Yahudi?" ¹⁵ Li'iteine too-too sanu pineguunga mebali bangsa Yahudi labai too-too o'dosa la'e bangsa labai nu Yahudi. ¹⁶ Boi, nootoite onjo labai sotoo-too no po'o ono lantarane mogutu Hukum Taurat, sangadi la'emae iman lilalongu Yesus Kristus. Injopa, li'ite teule nomaracayame kangkai Yesus Kristus bala li'ite no po'o ono la'emae iman lilalongu Kristus, labai lantarane mogutu Hukum Taurat. Saba'onye, labai sotoo-too no po'o ono lantarane mogutu Hukum Taurat! ¹⁷ Tapi, li'iet pepeese no'usahaa'e untuke nopo'o'ono lilalongu Kristus, ambo-ambo'ote teule topogutu dosa, biasa antu'onye Kristus injoo'e pelayanu dosa? Tantu labai aiyo'e! ¹⁸ Onjo no baungobie babalii sanu binangkula'o'ume, lia'e mombuktikane onjo lia'eine topo nyampange hukum. ¹⁹ Saba'onye, la'emae Hukum Taurat, lia'e nateme antage Hukum Taurat bala lia'e tumuhu untuke Allah. ²⁰ Lia'e sinalipome kangki Kristus. Laume lia'a sanu tutuhu, tapi Kristus sanu tutuhu kangkai lia'e. Tutuhuange a'alaine nopetuhu lilalongu daging injoo'e tumuhu la'emae iman lilalongu Unganu Allah, sanu mongasayani lia'e ma sanu nombeea'e ambo-ambo'o-Nye untuke lia'e. ²¹ Lia'e labai mombatala'e anugrah nu Allah pa onjo sanu tutuu modua'e la'emae Hukum Taurat, labai antu'onya Kristus nate!