¹ Watu ele-eleo injoo'e, watu o'gootu murit noniange tarus, sounge pogimondoye netimbul la'e too-too nu Helenis, lantarane janda-janda nu jimo boi pinatubaya lilalongu pelayanane sanu noinange tunggalu seeleo. ² Injoma, sompuluma doluo rasul injoo'e noleba jojoo murit ma negombo'e, "Labai tutuu antage li'ame untuke momatubaya Gombo'u Siopu boi untuke molayani meja. ³ Lantarane injoo, So-soungange, pileima pitu too la'e liantaramie sanu obukti paila'e, hinu'eangu Roh Kudus ma nu hikmat, sanu noengkatomame untuke tugase injeine. ⁴ Sedangkane, li'ame motongode lilalongu pesusuyang ma lilalong pelayanan nu Gombo'u Siopu." ⁵ Pomeilu injoo'e ma'asanange nyaa nu jojoo too. injopa, jimo nomeilui Stefanus, too sanu mohu'e imannonye kangkai Roh Kudus, Mongomei Filipus, Prokhorus, Nikanor, Timon, Parmenas, mai Nikolaus, sotoo topt nute Agama nu Yahudi la'emae Antiokia. ⁶ Jimo injeine inoni toloma'e nu rasul, injopa nopuse nesusuyangge, nu rasul nolambaa'e umbung jimo li babo'u pitu too injoo'e. ⁷ Gombo'u Allah madadage tarus ma o'gotu murite li Yerusalem e'titiangoma'e. Injopa, so kolompoke giombang imam nebali na taat kangkai iman injoo'e. Pela'opei Stefanun ⁸ Injopa, oi Stefanus, nohu'e kangkai anugrah ma kuasa, nogutume so'ale sanu me'eherange ma tanda-tanda ajaip li tatanganu too goot. ⁹ Boi, bai sogau too la'e sinagoge sanu notope too-too nu Libertini, la'e too-too nu Kirene aiyo'e teule too-toonu Aleksandia, injopa bai sogaungonya la'e Kilikia ma nu Asia, unoloa'e ma nebambaroane kangkai Stefanus. ¹⁰ Tapi, jimo injoo'e labai mampu mombambaro e'bijaksana ma Roh sanu kangkai-Io Stefanus no'ogogombo'e. ¹¹ Injopa, kangkai odo-odoye jimo mengeva baisogau too untuke megombo'e, "Ilongomamima too injeine nomeilua'e pegombo'e mopa'ajaa'e antagei Musa ma nu Allah!" ¹² Injopa, jimo nongengese too goote, totomogulang, ma ahli-ahli Taurat, kangkai nondua'i oi Stefanu, nela'opeio, injopa nongkoniio li tolonu Sanhedrin. ¹³ Jimo nonoloa'e sabi-sabi palsu sanu negombo'e, "Too injeine labai perna modoonge momeilua'e pegombo'e sanu mongeva pomoiyange mo kudus injeie ma Hukum Taurat. ¹⁴ Pa, li'ame no'olongome liio nomeilua'e onjoi Yesus la'e Nazaret mogansina'e pomoiyaange injeine injopa mombali'e nuada'e sanu winarisa'i Musa kangkai li'ite. ¹⁵ Injopa, watu nonyilige rupani Stefanus, jojoo too sanu si'edungko'e lilalongu Sanhedrin ne'e i'to rupanye aime rupanu malaikat.