¹ Tapi, adaanga sotoo langkai totopei Ananias, kangkai silapinye, oi Safira, nobalu'e hartanu jimo. ² Injopa, kangkai inotouangi silapinyei, Ananias montaana'e sagaa'a hasilu sanu pinobalu'onye antage ambo-ambo'onye, injopa boi sagaa'a inonia'onyoma'e, ma inembea'onye li tolonu bibissu rasul ³ Tapi, oi Petrus negombo, "Ananias, inoga hinu'eangu Iblise nyaame malio'e nongakal kangkai Roh Kudus injopa nontaana'e sagaa'a hasile la'e petu pinobalu'e injoo'e? ⁴ Watunye laupe pinobalu'e, jelauje ulenge li'oa togunye petu injoo'e? Injopa nopusoma'e pinobalu'ome, nokuasaime ba-balii? Inoga li'oe nomikirae pepeihu'e injeine lilalongu nyaame? Li'oe labai mongakal kangkai manusia, tapi kangkai Allah. ⁵ Injopa, watu no'olongoma'e gombo'e injoo'e, Ananias nabangkul ma sengane nomahus. Injoma, nebali o'hule giombang antage jojoo too sanu no'olongo so'ale injoo'e. ⁶ Bai sogaungonya unga molumba nodua'e, nomakea'e kainge memeas, injopa hinuntu neluang, ma tinanongu jimo. ⁷ Laemae injoo'e, lilalongu waktu kira-kira tolu jam, silapini Ananias nodua'e, tapi labai nootoinye nuga sanu nebali. ⁸ Injopai, Petrus negombo'e kangkaiio, "Peilua'omae kangkai lia'e, biasa li'oe nobalu'e petu injoo'e kangkai olinye injeine o'gootonye?" Injopa, oi Safira negombo'e, "iye, injoo'e o'gootonye." ⁹ Injopai, Petrus negombo'e kangkaiio, "Inoga lio'e ma silapiime nosituru'e kangkai untuke monyo'ale Roh nu Siopu? Siliga, laabu bibisu too sanu nontanonge silapiime ulenge adaange li tolonu pintu injopa jimo teule sanu mehuntuoe meluange." ¹⁰ Tiba-tibai, Safira nabangkule li tolonu bibisi Petrus injopa sengane nomahuse. watu unga-unga molumba nensio'e, jimo ne'e i'toi Safira nateme, injopa jimo nehuntuio neluange ma nontanongeio li jeini silapinye. ¹¹ Injoma, nebali o'huhule sanu giombang li tantanganu jojoo jemaat ma too-too sanu no'olongo so'ale injeine. Tanda-Tanda Ajaip la'e Allah ¹² Goota tanda ajaip nebali li tatanganu too goot la'emae umbungu rasul ma jimo jojoo no'osounge nyaa li Serambi ni Salomo. ¹³ Labai adaanga la'e taninye barani melinsonge kangkai jimo, tapi nomuliakanu too tutuua jimo. ¹⁴ Injopa, o'gogotoma'omoa too sanu momaracaya li lalongu Siopu, goote tutuu, nu langkai aio'e teule bengkele. ¹⁵ Lantarane injoo'a, jimo nehuntu too-too mepeese jalangoma'e ma nongkeluna'e li babo'u tandu ma kasoru bolon bala watui Petrus modua'e, sabii lalangonya mo'onoma'e antage baisogaungonye. ¹⁶ Ma, goote too la'e kota-kota li sekitaru Yerusalem nodua'e kangkai, nongkoni too-too mepeese ma jimo sanu pinensio'u roh-roh majaa'e. Jimo jojoo pino'odoong. Nu Rasul Ila'op ¹⁷ Boi, nu imam giombang unoloa'e, kangkai topo nutonye, injoo'e golonganu Saduki, injopa jimo hinu'eangu meelate nyaa. ¹⁸ Jimo nela'op nu rasul ma nensioa'e lalongoma'e nu panjara umum. ¹⁹ Tapi, watu eleleomae, sotoo malaikattu Siopu nomboa pintu-pintu nu panjara, nongentu jimo neluang, injopa negombo'e, ²⁰ "Na'om, po'olo, injopa bambala'a kangkai too li Bait Allah jojoo Gombou Siopu tentange tutuhuang injeine." ²¹ Injopa, la'emae jimo no'olongoma'e, watu titieleo, jimo nensio'e lalongoma'e nu Bait Allah ma nompamula nomaguru. Watu Imam Giombang ma too-too sanu kangkaiio nodua'e, jimo nolinsona'e Sanhedrin ma jojoo majelis to-tomogulangu Israel, injopa nejai too panjarama'e untuke mongkoni rasul-rasul injoo'e mopotolo jimo. ²² Boi, watu too pinejai injooe nodua'e, jimo labai no'odua'e dotoo rasul injoo'e li panjara. Injopa, jimo nongulele ma nombee lapurane, ²³ kangkai negombo'e, "Li'ame nodua'oma'e panjara injoo'e kukunci kangkai jojoo pengamanan ma topo njaga o'olo li tolonu pintu, tapi watu li'ame nombo'a'oma'e, li'ame labai no'odua'e sabii sotooa li lalongonye." ²⁴ Injopa, watu kapalanu toponjaga Bait Allah ma nu imam kapala no'olongo gombo'e injoo'e, jimo nebingunge tutuu kangkai nu rasul injoo'e ma no u'utanya labai mungkin so'ale injoo'e ma mebali. ²⁵ La'einjoo'e, otoo nodua'e ma nomeilua'e jimo, "Siliga! Too-too sanu nsinio'a'omie li lalongu panjara o'olome li Bait Allah injopa mongunde too goote." ²⁶ Injopa, kapala toponjaga Bait Allah kangkai pengawalonye na'o ma nongkoni rasul-rasul injoo'e, tapi labai nomeese pa jimo mohule no balatu'e polu la'emae too goote. ²⁷ Watu jimo nongkonimei Petrus mai Yohanes, jimo pinopotolo kangkai Sanhedrin. Injopa, Imam Giombang no'utanya jimo, ²⁸ peilunye, "Li'ame nolarangome'oe tu-tutuu ba labai ulenge mongunde li lalongu tope injoo'e, tapi li'eme no po'ohu'eme Yerusalem kangkai pongundeeme ma li'eme amaksut untuke monanggunge laanu too injeine kangkai li'ame." ²⁹ Boi, oi Petrus ma nu rasul nengimbat, "Harus nota'ateimame Allah labai manusia. ³⁰ Allah sioputomae nobangkita'omei Yesus, sanu pinateangomime kangkai nentoenge-Io li ayu salip. ³¹ Allah nopa'aapangkate Liio li umbunge moanongo-Nye nebali pemimpin ma Topo Nyalamate untuke mombee patoba'e antage Israel ma mongampuni antage dosa-dosa. ³² Injopa, li'ame sabi-sabi la'e jojoo injeine, ma aiyo'e teule Roh Kudus, sanu bineea'ome nu Allah kangkai too-too sanu mataate ngkai-Io." ³³ Watu jimo no'olongo so'ale injoo'e, nyaa nu jimo aime sinusu'e injopa amaksute momate nu rasul injoo'e. ³⁴ Tapi, sotoo nu Farisi totopei Gamaliel, sotoo guru Taurat sanu nohormati nu jojoo too, unoloa'e li tolonu Sanhedrin ma nejai ba nu rasul injoo'e no'oni meluange timoloos. ³⁵ Injopa, io negombo'e kangkai jimo, "Hey too-too nu Israel, pongonyilige papaila'a nuga sanu nopogutumie antage too-too injeine. ³⁶ Saba'e, bai sogau eleo luulu, Teudas unoloa'e, nongaku liio too penting ma kira-kira adaange apagatuse too sanu nogabunge kangkaiio. Tapi, io pinateang ma jojoo toponuuteio netepo anta, dudua'e laume na'adaange. ³⁷ La'emaei Teudas, Yudas la'e Galilea unoloa'e, watu ele-eleo sesus, ma nongiule goote too untuke nonuuteio. Io teule pinateange ma jojoo too sanu nonuuteio netepo anta. ³⁸ Lantarane injo, lilalongu kuasa injeine, lia'e monasehati li'eme: Agaali too-too injeine ma tubayama'a jimo. Saba'onye, onjo rencana injeine asalonye la'e manusia, so'ale injeine labai ahasilonye. ³⁹ Tapi, onjo rencana injeine asalonye la'e Allah, labai mampu li'eme mondoona'e. Aiyo'e teule, biasanya li'eme no'odua'i pepeese mongeva Allah." ⁴⁰ Jimo nonuru'e nasehati Gamaliel. Injopa, noopuse noleba rasul doluo injoo'e, jimo nomeese doluonye ma molarange nu rasul untuke megombo'e lilalongu topeni Yesus, injopa nolapasa'e jimo. ⁴¹ Lantarane injo, rasul-rasule injoo'e nelampa la'e tolonu Sanhedrin kangkai neege lantarane jimo inanggape malayak menderita poonagore untuke tope-Nye. ⁴² Injopa, tungale seeleo, li Bait Allah ma la'emae labonge salalange salalangoma'e, jimo labai pernah modoonge mongunde ma mobambala'e Injil pai Yesus some injoo'e Kristus.