¹ Sounge watu, Petrus mai Yohanes na'o li Bait Allah watu jame pe susuyang, watuma'e injoo'e jame e'sesioana'onye. ² Injopa, sotoo langkai sanu nepi'ite la'e kandungani sinanye hinuntu. tungalu seeleo jimo mongembea'e io li pintu gerbang Bait Allah sanu tinopeange Pintu Gerbang Indah untuke momongi sedekah la'e too-too sanu mensiyo'oma'e li Bait Allah. ³ Watu io ne'e i'toi Petrus mai Yohanes mensiyo'oma'e li Bait Allah, io nomongi sedekah ⁴ Injopai, Petrus, kangkai Yohanes, no matase io injopa negombo'e, "Siliga li'ame." ⁵ Too nepi'ite injoo'e nonyiligoma'e kangkai Petrus mai Yohanes, kangkai moranua'e sanu notarimanye la'e jimo. ⁶ Tapi, oi Petrus negombo'e, lia'e labai a'daange perak atau hulaane, tapi sanu a'daange kangkai lia'e u'beea'e kangkai li'oe. Lilalongu tope ni Kristus Yesus too nu Nazaret injoo'e, pembaung ma pelampama!" ⁷ No'uma'e, oi Petrus nongkonii umbunge moanonghu too injoo'e injopa nondulua'e io unoloa'e. Watuma'e injoo'e teule, bibise ma ma hu'ulalinye nebali no'uige. ⁸ Kangkai lunumpata'e, liio unoloa'e ma nompamulame nelampa. Injopa, Io nensio'e li lalongu Bait Allah kangkai Petrus mai Yohanes, nelampa ma no o'lulumpate, kangkai momuji Allah. ⁹ Jojoo too ne'e i'to io lalampa ma momuji Allah, ¹⁰ injopa notoinu jimo onjo toome injoo'e sanu biasanye dudungko'e li Gerbang Indah Bait Allah untuke momongi sedekah. jimo jojoo neherange tutuu ma nasanange lantarane so'ale sanu nebalime kangkai io. Petrus Negombo'e Kangkai Too Goot'e ¹¹ Too injoo'e ne'o oniane kangkai Petrus mai Yohanes, jojoo too uninjo'oma'e kangkai jimo li serambi sanu notope Serambi Salomo, ma nengeherange. ¹² Injopa, watui Petrus ne'e i'toio, liio negombo'e kangkai too goote injoo'e, "Hey too-too nu Israel, inogan li'eme meherange antage so'ale injeine atau inoga li'eme monyilige li'ame seli-lio o'kuasa atau la'e imanomame ambo-ambo'e, li'ame nogutume too injeine ne'e pelampa? ¹³ Allah Abraham, mai Ishak, injopai Yakup, Allah sioputomae nomuliakanome hamba-Nye, Yesus, sanu sinarakanomie ma tinolakomie li toloni Pilatus watu io nonguduta'e untuke mombebasa'e-Io. ¹⁴ Tapi, tonolakomia Sanu mo Kudus ma Tutuu, ma nomongi topo mate nolapasa'e untuke li'eme, ¹⁵ injopa li'eme nomate Sanu Topombee Tutuhuang, sanu binangkita'ome nu Allah la'e an tatanganu too nate. Tentange injeine, li'amime nu sabi. ¹⁶ Injopa dasare la'e iman lilalongu tope-Nye, injoo'ume topeni Yesus, no po'uige langkai sanu initomie ma notoi injeine. Ma, iman sanu nodua,e la'emae Liio nombee mesehate sanu mesempurna kangkai langkai injeine li tolomie jojoo. ¹⁷ Sekarange, Sounga-unga'e, uotoi onjo li'eme labai mata'at selilio teule sanu nopogutu nu topo mimpinomie. ¹⁸ Tapi, sanu pineilua'u Allah lu-ulumae la'e nganga nu jojoo nabi onjo penderitaa nu Kristus, ginana'angonyo-Me. ¹⁹ Lantarane injo, pangatoba'a ma pengeteuleme bala dosa-dosamie nogagasa'e, ²⁰ bala watu masanange modua'e la'emae podua'u Siopu, ma bala Io mejai Kristus sanu tinantua'onyome antage'oe, injoo'umei Yesus, ²¹ sanu harus notarima nu surga dudua'e watu pemulihan nu babagiana'onye seli-lio sanu pineilua'ome nu Allah la'emae nu nabi-Nye sanu mo kudus ule la'emae jamane lu-ulu. ²² Musa negombo'e, 'Siopu Allah mie mombangkita'e antage li'eme sotoo nabi a'aime lia'e la'e antara nu so-soungangu ambo-ambo'ome. Li'eme harus moniina'e bagiana'onye sanu nopeilua'onye kangkai'eme. ²³ Injopa asanu mebali, tungale sotoo, sanu labai me'ilongoa'e nabi injoo'e nolanyapa'e la'e tatanganu bangsa. ²⁴ Injopa, jojoo nabi sanu perna negombo'e, nompamula la'ei Samuel injopa o'opusoye teule jimo nobambala'e ele-eleo injeine. ²⁵ Li'emeane turunane la'e nabi ma la'emae pejanjianange sanu pinogutu nu Allah kangkai siopumomae, ma negombo'e kangkai Abraham, 'La'emae muaame , jojoo keturunane li juniaa noberkati.' ²⁶ Allah, nopuse nombangkita'e hamba-Nye, kinirima'o-Nye lu-ulu kangkai'oe untuke momberkati'oe kangkai mogutu tungale sotoo li'antaraame meteule la'e sanu majaa'e."