¹ Paina hesua to wapai raro,Yesus ria kutu tobai wati herea na nye pandu wane. ² Inte,reunda, henda henko hinyontarai we piyaya we wana pata.interi hendeho hene iman wau hia,Yesus kewio bu hinyontarai we we piyaya wati,''pwika hanem waipa,ariang pa au,nemu zasarpa hempari to.'' ³ Paina,ahli taurat eha hengkario na he sane raro,''hinyontarai ning tetipa!'' ⁴ Paina,Yesus piang reho hene pi we hesane tatota pa,paina topino mia mesane wei rarong pa? ⁵ Nani ai runa mawa pa,kawio nemu sazarpa hempariri to;ete kawio; towaha tuara? ⁶ Ing kai wape,wawo mia mendehoa topino na nunei ariang we mamehari anti we kuasa riopi tane zasar.''paina Yesus kewio bu :hinyontarai pia wati.''towahara,ruwaha pata wah napai.interi wowu!'' ⁷ Paina,tewaha interi wewu. ⁸ interi,hinyontarai we pau hendeho pi wawi,hedehoa ma hentatuma hesyomi Allah weong.kuasa mahi wati bu hia ete hinyontarai. Matius weruri pajak ria kong Yesus ⁹ Interi Yesus ria warui rabiang wati reho we hesawa we matius miohoi na rabiang riryui paja.inte Yesus kewio buri,''buong ya''.wawi,Matius ha pa ria kong Yesus. ¹⁰ Naha Yesus miohoi campi,na nanu wati reho pitau weriryui pajak hengkong hiyontarai-hinyontarai wesasar hendama,hemoi hetampi kong Yesus kong nye murid-murid wau hia. ¹¹ Paina,hinyontarai-hinyontarai Farisi hendeho piwawi,hengkawio bu murid-murid hia,''topinani mene guru pai campi riryui kong weruri pajak kono hinyontarai-hinyontarai we zasar?'' ¹² Ingkai wape,interi Yesus taraho kawio wawi inte kawio,''coyo we panang hiatino henda we tabib wau pa wa;wape we huhi wau hia. ¹³ Paina,menda ingkai menda tato pitoi yoh wemahi ning;yahine taweri hopi wang,we pariri pi wawiwa;tutu ya rama pa we ha we mahi pa hia wa,we wi hie hinyontarai ai we zasar pa.'' ¹⁴ Wa wo,ariang-raiang Yohanes henda bu Yesusi hetutani,''topinani ama kong hyontarai Farisi motong puasa ne,wa pe nemu ariang wau hia hetong we puasa wa?'' ¹⁵ Inte,Yunus kewio bu hia,''paiteri wera tutu wawing weriryau na muang nya kon hia? ingkai wape,ingkai hawane rama tantuma muangwera wei wati meng kori wurui hia,pawe rama ingkai hembe puasa,'' ¹⁶ Ei wa bisa we cai kepang herei we waworu pei to hasung taira,hopei we waworu wati cai rarang we tawa pai conane riaran ra beba rea. ¹⁷ Paina,hinyontarai pei anggur waworu pei torosyong tawa pai raro.pa topino,rosyong rerawa pai ingkai mehabu,paingkai anggurpa tawow,osyong rawai pai pare.ingkai wape,henda hengko anggur waworu to rosyong re rawa we waworu waromi humpaya maitui etong wawinta. ¹⁸ Wowo Yesus kewio peinine buhia,hinyontarai mananu ari riama hyom wei,interi kewia,''ne ariang wawing pei intene keria peina.ingkai wape ,ruama waro tuai waramu panawo,warompi wihyeng taweri.'' ¹⁹ Interi,Yesus tewaha ria kong hiyontarai wati hunda,to wawi kong no nye ariang wera konti wau hia. ²⁰ inte,reunda,hinyotarai wawing wehuhi we hari ria wanei hape puria pe huraha koru kiar ra kikie we Yesus na karupui ryu na hasung wati rewu. ²¹ Painteri wawing wati kewio buri ho ne tarai robong wati;''coyo yau netarai nei kya he nye hasung wati mantau mah,inkai: panang. ²² ingkai wape,Yesus tedai weri heyo bu wawing wati,inte kewio roa hoa maitui na hane nemu raro,ne ariang pa au,iman pa nang we au pa.''nawawitato,wawing wati panang. ²³ Paina Yesus ria herea na mamu oh wewe riung ho manu ari eati rehopitau we bui seruling hesora wiwari hia hetona ne werotu wau hentara hoa wa. ²⁴ Paina,kewio bura pei kawasa wau hya,''co menda ,mendera ariang karawing katu wati kerya tehawa,wo hawa wo cena mantaung.'' paina hemari Yesusi. ²⁵ paina, kawasa we pau wauhia piang hetuha hia tori. Yesus hyua ryu na ariang wati wara, inte ariang wawing katuwati tewaha. ²⁶ Kawio nine piang mati tate nu perang wane. ²⁷ Nawawi Yesus ria wuruhu nuwawi, hinyontarai koru werepipu wau haru hunda husa tatuwari,"Hanem muho aru,ariang Daud". ²⁸ Paina ria hyu a ho manu wati, koru were pipu wau haru hunda buri interi cutang bu hya, paina myamesane kepang we ya yong pining wei? hengkawio wei topeina to,syeng ! ²⁹ paina Yesus camu wara ho hende kami"topino Taweri bu mantaun au mahio hanem raropa". ³⁰ Paina hempira waha hendemi. Yesus tend maitui we hia,rengkakepana waro webisa we hinyontarai pei rehoa wa pinine wa. ³¹ Ingkai wape, hemati tori waro waro hemberindoan kawio ne ho Yesusi to nu wane tatera ra. ³² Hinyontarai koru wawi humati,remura, hinyontarai hengko we kiawio wawati wewe setan hyua hoa wati bu syeng Yesusi. ³³ Roh setan wati hetuhari meti, hinyontarai we kawio wawati kewio. kawasa pitau wawi hya hembe sanang ma hengkawio" we topining wo mandehoa na Israel wami". ³⁴ Ingkai wape, hinyontarai Farisi hengkawio," Iwo cuha roh-roh wewe huna wau kono roh-roh piami we barui". ³⁵ Pa,Yesus ria wari bendar wau kuira kono rande pandu wau kono tenyau na hene sinagoge-sinagoge wane,kong heng kawio anyau mamarang.hentong panang ho we huhi na rabiang wawi mantau. ³⁶ Interi syen Yesus reho kawasa wati,rera ma hane hohia ho hembe japei no domba-domba wewero we tamami. ³⁷ Interi kewio hera nye ariang wape nye murid-murid hya, tarai topini mengko pau wape membe karjang pau wa. hopeino ingkai metewa ra bura syeng wene pina romi, we metatuwara bu wewe karjang naoh romi hesari pina romi wati raro. ³⁸ Hopeino bwewara we syeng peiti ho wene pinaromi we hane atuwara to karjang-karjang na hatetana wane.