YESUS TETUA NYE MURID-MURID WAUNYA ¹ Interi Yesus hya manarwa huraha kuruh wauhya interi tiong nawe hya pinyeng wau hyana wetariai hanetatota wehunawah impanomi cuha hanetatotapa warompi warampi pitau mantau werama wejadi huhi topianapa warampi amana huhipai. ² Ninanemarah hin nyong hanong manarwa hura ha kuru peininane : we korisi, simon wehesawa we petrus, kongno andreas neta yakobus antu zebedeus kongno Yohanes neta wauhya. ³ Filipus kongno Bartolomeus,Tomas, kiongno Matius hinyongtarai werirui doi,Yakobus,Alfius kong Tadeus. ⁴ Simon hinyongtarai zelot,kiongno Yudas Iskariot wewo Yesus. ⁵ Yesus tetua hinyongtarai hura hakuru Rasul wau hya" menda to rang wenana kawasa ehapa hya, memakowa to bendar buoh hinyontarai Samaria pahya. ⁶ Topenato ruwah buoh domba-domba wekaeng -kaeng nana hinyontarai Israel. ⁷ Interi, weriroi mara menda menbuwara mae metoyo piami mamarang kikyeu weryamato. ⁸ Metong wewuhi pahya hempanan we karya pahya hembihyeng taweri,hesopang huhi pihrarepa maeh hetuha roh webarui. mia wo meta ryuta panpinoma! ⁹ Mendeho mengko sadaka kong perak kong tembaga kong tarung we rarong pe. ¹⁰ Kong kahya ho rawaweria raung korupe hasung ete pato aeng hinyongtarai weong ticeri roweang. ¹¹ Na bendar we mananu nani mekowa tiri hahera mateiti nya cawang kio ryah. ¹² Interi memakowa nah manu wawati mae kewio coyo tabea. ¹³ Imbaro manu wawati meitui, wihyento piboki na sejahtra biamah mehoina, mae piwoi marah pibokina sejahtra taweri bu miama. ¹⁴ Interi matei hya hetaryu miate piwai moroh syeng taramuho,kawione,interi memati warui manupaito bender wanei kopateta wawu wenana ayemupai ! ¹⁵ Ya kawio mayong memahipai wiakongtau pa, tuti na hak we yo iriah maihoi na sasar na kakopa Sodom kong Gomora ingkai hendu pataraito,bendar wawiti ! ¹⁶ Mendama ya yatua miapa parariapei domba to rabiang we serigala. topiyanapa buwong nentarai mahihapei pinamunai mae buong nanuhara mahihapei ayah mandung. ¹⁷ Topianapa haneng kakepana ho hinyongtarai ingkai weong autoh san hedriri, ingkai hembe cambuk autoh nana sinagoge-sinagoge heneng wau. ¹⁸ Ingkai hengko miabu hinyontarai wekuasa kongno mananu baba wewihyeng bu syeng Allah.kawiyo ande pa,hetona wata kong tata maho kawasa pa hya kuira. ¹⁹ Heto hendama hengko miato mendeho memataipe pitoi ingkai tapayaipa,ingkai hetona topeino piwe tampayapa. ²⁰ Ya yakawiyopa wah,wawitiwo Roh syeng Allah anti kewiyowe miapa. ²¹ Neta hei tiong neta haruweunei buoh kaririawati, mahi tamani kiongno antung wati. mahihapeino ariang weroahowa kongno heto hemamuna. ²² Miawo hesanesung miawa tutua pei hanong pah,topiyanapa hinyontarai peiria konti,kio woroi-woroi mantau mara teriu wewihyeng wanei. ²³ Eheto hetong hahera miana bendar yampai mara,membawuto bendar. paya werowanawe mia,wemahipa we mia,wape webisa we manda nao bendar Israel kiro ariang syeng Allah riamawane. ²⁴ Ariang coutera we melebihi gurunya, topei yanapa hamba we bisawe welebe tuannya. ²⁵ Topeinato arian hembe pintar hemahihapei gurunya hamba mehihapei tuannya. topianapa hempai hinyontarai baba wene manu beelzebul,hyunawana manuraro wawiti. ²⁶ Topei yampa to mendeho mematai pampinomape wo pitau wawiwo anyau webisa wehempaya wau,ingkai anyau mamaranai tambe tauwa. ²⁷ Pitoi yompaiwe au nana wewe rorang pa,poyah nana wedea. kongno pitoi taramuhoa natarang caupa. paya weroana na manu karuhina wetariai. ²⁸ Remuho motai wemung nentarai watipe,wawitiwo webisa we miung nemuo jiwa mati wa.mendama tatonta peisyepeiti tamataiti tandoa hoi nana rorapai. ²⁹ Topi yanapa ayah pe korisi nana pihenembau tawa to kakopa nana kehendak syeng Allah. ³⁰ Harus riurantau wenana pitau wani wo hetatora . ³¹ Mendeho memataipe mia mentariai nana ayah pitau wang syapa. ³² Tata paranding au nana hinyontarai wenana nunei itato teparanding syeng Allah nao rorapeiti. ³³ Mateiti meyai teparanding syeng peiti nana hihyong tarai wenana nunei wawo mateti cong wewihyeng nana Kerajang rorapeiti konno syeng Allah na rora. ³⁴ Mendeho metoyo riamama kio wewihyeng newo nana nunei wawonei.tioyo hawewe ryamawanewo wewihyepehawetata wa.riama wanewo kio pedang. ³⁵ Riamawanewo tiong tata tambeihiea muapa tata kongno tantamami pahya,kongno ariang karawi serta tasinyami kongno wawi rewa. ³⁶ Ingkai riana manu raro mantau tat,tata mioming waweria wetata manu raro mantau tata. ³⁷ Mateiti haneho tamani,hinyani wuruhu syeng Yesus,ingkai tiong piehawa. mateiti haneho ariang muang kongno ariang karawin kongno yau,yawo yopiyehwa. ³⁸ We hario Salib wera konti I wo we layak wa konti. ³⁹ Mateti tiongno wanang kongno horewi yau nana paya nemupa ingkai nemu paya pehawa, mae mateiti piayana nye paya nyewanepa ingkai boriu wewihyewanei. ⁴⁰ Matei cewa miane,kongno cewa yane kongno hinyontarai baba. ⁴¹ Matei cong piwepiboki we nabi na wahan nabi ingkai teriu we piboki wiwa nabi,interi matei cong wepiboki wehinyong tarai we mahi wahan we teriu wiwai mahi. ⁴² Matei cong maria pei we hinyontarai we moma,maria ma korisi na wahan murid pei yampahya we mahi we au wiwa we boriung.