Yesus tion peimau hinyongtara me huhi pi hawarepa ¹ inte Yesus bia nah wi wawiti, hendiriui hinyongtarai hempau hendakonti. ² mae reho hinyongtarai me huhi pi ha rarepa ria bu-ri, mante tiuan bei hiobe-i, mae kewio syeng. morisin ma, buoyau pana. ³ mae Yesus cuwa werani-i maite ruhia, kewio mae yau yo pantau, hawawiritato, penana pihararepa na hinyongtarai wawiti. ⁴ mae Yesus kewio we hia rentuwara mendeho memtarari pampinomawe hinyontarari pehipe waperuah bonyau mentarai we imem! mae buono wiwapeh mingparea mahi kawio Musa wetopan we hia. ⁵ interi Yesus mekawato Kapernaomi, hinyontarai mambri riama wei cewaraconti. ⁶ mae kewio konti syeng mamaruapitiwia hewayai manu wane huhi kankuna ⁷ mae Yesus kewio hia yau ingka rama ma ruaha huhini ⁸ ingka tioyo mambiri kewio coyo syeng yau we sasar mahiwa we au wa painane awo hani mo kowa manu nei wa, wape jewara kewio roh pei kawio rabean mantau, warom rompine womi imbaro penan ⁹ tutu yau tato wo hinyongtarai wenana unei. wahia mae yau kawei ko no korisi, ruato, ruamato, mae-eitato riama, mae yau ne womi buni nane imae inte cona". ¹⁰ wawi Yesus tarahua pi wawi, intentunawa mae yau hinyongtarai yau panamahia, yau we ro wan wewe tarai miapa, yau piwai yari uta iman we baba i nane ko no hinyontarai Israel. ¹¹ mae Yesus kewio mamberi wati, wowuto mae mahi hape hane totaipa. ¹² mae maha wawetitato, womiu bati penar ¹³ Petrus nyo wawi pai ki ona hinyontarai we pau tion hia hempana. ¹⁴ nawawi Yesus he reyana Petrus manu wati, reho Petrus nyo wawi riwia ia netarai huhi. ¹⁵ wawi Yesus riu wawa ko na wawi wati mara penan, interi. interi tewaha mae con Yesus campi. ¹⁶ wawi mara curu ramato, hia henko buri-ma hempau hinyontai wewe pi maidu wawi nana kawio pe korisi mae hendawaha hinyotarai pitau wehuhi. ¹⁷ imbaro taton mahi pio nabi Yesaya kewio rawu; ¹⁸ nahanai mante Yesus reho hinyontarai hempau heu sura wari-I, inter con kawiowe tamati hawaru wa etg. ¹⁹ interi hinyontarai ahei tau rat riama kewio we-I; Guru yau ingkai rakon-nau rabian ruatoa rato pena". ²⁰ mae Yesus kewio mae, Serigala nye kamberei nya na ko no aya-aya wenana rorah ce ne karainu wepe arian hinyotara nye napeha we con rukami wati wiana pewa; ²¹ hinyontarai korisi na muri; syeng morisin ma buon yau rah hawai ta mai ²² wape Yesus kewio maei ma coyo baon yau mae hinyontarai we karia hembe kubir hinyontarai karia wahia hemehari". ²³ wawimate Yesus couta towararom mae mara murid-murid hetonti. ²⁴ mae remurah pi toitini cobowa baba nato bai pai nin wa wati hindarutu hoterowa, wape Yesus cenah. ²⁵ mae murid hendama hembau Yesus kewio we syeng rupata amai ingka imbetanai peina!. ²⁶ mae iteri kewio wehia, pitoiti co na memataie ye henen kepana wanae ? interi tewahara cerah mae wara kepan wanabati materi uangnan interi tobai wati, mae interi meriori keria. ²⁷ wawi mara hinyontarai hetaro ku iu ya hematai wawi mara wanambuti ko no tobai riahoi ? ²⁸ wawi mara Yesus herera na hawaru Iobai, nananu hinyontarai gadara, humbe koru hinyontara pimai duhioa humbarui hudabu ima hemati makubir mara humbarui paina ne hinyontarai pei riana wawiwa. ²⁹ mae hendehoi painane hemamarana, hetutan Ah pito Ii ruama boni kon amane, haperama wami ? ³⁰ mae woroi ra ho wa mae asurantau baba tewepi can kon hia". ³¹ pimaidu-pimadu wau hetewarakon-ti mae hetoyo bo buha amara botuwa, mandabu asurang tau baba hia". ³² mae Yesus kewio wehia, ruah itar, hemati mae hemakowaho asuran tau wati. manteri asuran tau wawiti kiopa totararei butobai watira hengkaria nana maria raronwati. ³³ hinyontarai weong asuran tau wawiti hetapai taweri, hema kowato bendar mae he tawari rui ra pitoi hende hoi bu hinyantorai pimaidu wa hensoa wahia. ³⁴ mae remurah, hinyontarai menana bendar he mati heda bu Yesus hende ho Yesus hetewa ra warompi ria wu hui hia nu hena wa.