¹ Remuho hanemtato we huna wa warom autato boriu we huna wape. ² nana hanetato wewe hanentota wewe buona we eha hia,au tato, cio sanerarota we au, nana we poya wawi ingkai hetong payai au. ³ Remu ho hende awiwa heneng wane kawiora rembiasa ai taba wewe kapata nana rengkandari wau. ⁴ Topi nani kawio bu nemetai, ingka yau karai teta reng awiwa waruhu rengkami yodinamo balok we kapata na rekandari nei . ⁵ hinyontarai we huna wa pa au ; kuai ai taba pai waruhu rengkami,ingka remhoa wewe dea kuai ai taba pai waruhu rekami wanai nemeta. ⁶ remuho bwong we mahi pai bu wona wau hia remuho ruwaha mutiara buoni bu asurang imbaro hendeho hente kakepan tedai weri ingka ciong we hunawa. BWEWARA,BOWERI, TWO ⁷ Bwewara, nana wawi mara ingka cong bu au, boweri, mara ingka boriuti. twowi ingka hyepari bu au. ⁸ Hinyontarai we ewara, pahia ciong bu hia, hinyontarai we aweri ingka hetariuti, wewe to antureng pahia hie pari we hia. ⁹ nana hinyontarai pa mia, antung pai cewa taung ingka ciong kami bu antung pai ? ¹⁰ antung pai cewa tiang, hani ciong pinamnai bu antung pai. ¹¹ painane hinyontarai weong we mahi wa ne tata tatong nanuha ariang tambaya wau hia mara. tantamam we nana rora wewe ciong we tata wau wo pau mantaung " wetata". RANG WE MAHI ¹² pitau mantaung we me sane wea eha hetona we mia, topi yana pa mia tato metong bu eha hia tato pitau wawi aino tendera nana nye anyau we mahi. RANG WERA BU WEMAHI ¹³ Hua na antureng we kiota antureng we tahepa baba tenyau rang we ra bu we huna, ingka hempau hesuana. ¹⁴ hopai no antureng we kiota we moma we rana wau hia wo hempau wa hia henda bu we whi heng we mararising." HESO TATA HO NABI-NABI PALSU ¹⁵ Mesane kake pana ingka hawe rama nabi-nabi palsu hendama hesasung hasung,domba, hia mara serigala we barui. ¹⁶ Nana wewe hetona wau tasane tato nana yampa heko anggur buong nana ai we nesasina hengko ai buong we wihyeng nana ai we mamu we nesa sina. ¹⁷ Tandeho ai pehi webung wihyeng ciong wewihyeng ai we maha ingka ciong buong peha wa suna wa. ¹⁸ Ai ru we wihyeng ciong buong we wihyeng nana ai we maha hani ciong buong peha wihyeng tehawa. ¹⁹ ai ni hetong buong we wihye peha hendoba hengkaya to rawang atia. ²⁰ Ai buong wau mende werong we wihyeng. ²¹ Mia kuira mena mesa hanone,Tuhan-Tuhan; waro meto mesua bu nu we mahi surga, hinyontarai we roa ho tamai nye anyau na rora. ²² nana ha wati kawasa we pau hengkawio hetoyo Tuhan,Tuhan ama wo matong kawio nemu ayau pai matuha roh-roh we huna nana hanompa matong-tong wewe kawasa rehoa mara mero nana hanoum wai ? ²³ ama tato mato tayau we hia, yawo reho mia wa memarandeng waruhu, mia metong wehuna wa pa! MENTARAHOI METONG MAHIHI ²⁴ Nana yampa, pitau we taraho nye kawio nei weong mahiha ingka he mahi hinyontarai weroahoa ciong nye manu wati na kami wawong. ²⁵ mamang pai bia poh pai riutu, we cobara teryu manu wati manu wati kerakuai hope no cura nana kami wawong. ²⁶ hinyontarai we taraho ne kawio ne weong mahiha wa he mahi hinyontarai we hanekaeng. hetong hene manu wau tura na nu we nyapa. ²⁷ nana hapehi mamang pai bia poha baba pehi rutu nunei cobara wati riria teriu manu wati. manu wati metota ciwa.pitau wenawai nai kai. ²⁸ Topi yanapa Yesus tenyau wehia rakai, topi yapa kawasa we taraho hetarokutuya hentaro nye anyau. ²⁹ Hopeno tenyau hia ho we mahi. piwai ninei wo parari mananu-mananu we kai wio taura hiwa.